“విన్నారా ఈ ప్రేమ కథ” చిత్రం ప్రారంభం

ప్రత ప్రొడక్షన్స్ పతాకం పై గౌతమ్ రాజు గారి అబ్బాయి కృష్ణ మరియు ప్రియాంక హీరో హీరోయిన్ గా సి హెచ్ దొరబాబు దర్శకత్వం లో డాక్టర్ శ్రీధర్ రాజు యెర్ర నిర్మిస్తున్న చిత్రం “విన్నారా ఈ ప్రేమ కథ” దాచినా దాగదు అనేది కాప్షన్. ఉగాది పర్వదినాన  ఈ చిత్రం యొక్క ప్రారంభ వేడుక నానక్ రామ్ గూడా లోని నరేష్ గార్డెన్ లో పూజ కార్యక్రమాలతో  ఘనంగా జరిగింది. ఈ చిత్రం యొక్క ప్రారంభ వేడుకకి గౌతమ్ రాజు, తమ్మారెడ్డి భరద్వాజ్, నరేష్, జీవిత రాజశేఖర్, భారత్ పారేపల్లి తదితరులు విచ్చేసి యూనిట్ సభ్యులని ఆశీర్వదించారు. ముహూర్తపు సన్నివేశానికి భారత్ పారేపల్లి కెమెరా స్విచ్ ఆన్ చేయగా, తమ్మారెడ్డి భరద్వాజ్ క్లాప్ కొట్టారు మరియు సీనియర్ నరేష్ గారు ఫస్ట్ షాట్ డైరెక్షన్ చేసారు.

అనంతరం పాత్రికేయుల సమావేశం లో తమ్మారెడ్డి భరద్వాజ్ మాట్లాడుతూ “గౌతమ్ రాజు గారి అబ్బాయి కృష్ణ హీరో గా ప్రియాంక హీరోయిన్ గా దొరబాబు గారి దర్శకత్వం లో ప్రారంభం అయిన చిత్రం “విన్నారా ఈ ప్రేమ కథ” ఈ చిత్రం విజయం కావలి” అని కోరుకున్నారు.

భారత్ పారేపల్లి మాట్లాడుతూ “టైటిల్ చాలా కొత్తగా ఉంది. ఈ చిత్రం మంచి విజయం సాదించాలి. నిర్మాతలకి మంచి డబ్బు రావాలి” అని కోరుకున్నారు.

నిర్మాత  డాక్టర్ శ్రీధర్ రాజు యెర్ర మాట్లాడుతూ “ఉగాది పండగ రోజు మా చిత్రం ప్రారంభం కావటం చాలా సంతోషం గా ఉంది. ప్రతాప్ ప్రొడక్షన్స్ లో ఇది రెండో సినిమా. ఈ చిత్రం రేలంగి గారి కామెడీ లాగా పల్లెటూరి నేపథ్యం లో చిత్రీకరిస్తున్నాం. ఆంధ్ర లోని కాకినాడ, రావులపల్లెం వంటి సహజ లొకేషన్స్ లో సినిమా ని చిత్రీకరిస్తున్నాం. మా చిత్రం అన్ని రకాల ప్రేక్షకులకి నచ్చుతుంది” అని తెలిపారు.

హీరో కృష్ణ మాట్లాడుతూ “సినిమా కథ చాలా బాగుంది. దొరబాబు గారు చాలా కసి తో రాసుకున్నారు ఈ కథ ని. ఇది ఒక పల్లెటూరి లో జరిగే కథ. మంచి యూత్ ఫుల్ ఎంటర్టైనర్. సరదాగా ఉంటుంది ఈ సినిమా అందరికి నచ్చుతుంది” అని తెలిపారు.

హీరోయిన్ ప్రియాంక రెడ్డి మాట్లాడుతూ “నాకు ఈ అవకాశం ఇచ్చిన మా దర్శకుడు నిర్మాతకి నా ధన్యవాదాలు” అని తెలిపారు.

గౌతమ్ రాజు గారు మాట్లాడుతూ “అందరికి ఉగాది శుభాకాంక్షలు. ఈరోజు మా అబ్బాయి హీరో గా కొత్త చిత్రం ప్రాంరంభం అయ్యింది. నా కొడుకు చిత్రానికి వచ్చిన అందరికి నా ధన్యవాదాలు. దర్శకుడు దొరబాబు చాలా కస్టపడి మంచి కథతో వచ్చాడు. చాలా గొప్ప డైరెక్టర్ అవుతాడు. ఈ చిత్రం మంచి విజయం సాదించాలి, నిర్మాతలకి మంచి డబ్బు రావాలి. పల్లెటూరు లో జరిగే కొత్త కథ. అందరికి నచ్చుతుంది” అని తెలిపారు.

నరేష్ గారు మాట్లాడుతూ “విన్నారా ఈ ప్రేమ కథ మంచి లవ్ స్టోరీ. దొరబాబు మంచి కథ తో వచ్చారు. గౌతమ్ రాజు గారి అబ్బాయి కృష్ణ కి మంచి సినిమా అవుతుంది. మంచి విజయం సాదించాలి” అని కోరుకున్నారు.