న్యాచురల్ స్టార్ నాని వి చిత్రం ఫ్లాప్ తర్వాత వరసగా సినిమాలు చేస్తున్నాడు. శివ నిర్వాణ దర్శకత్వంలో టక్ జగదీష్ అనే చిత్రంలో నటిస్తున్నాడు. ఈ చిత్రం షూటింగ్ చివరి దశకు చేరుకుంది. ఈ నేపథ్యంలోనే నాని రాహుల్ సాంకృత్యాన్ దర్శకత్వంలో శ్యామ్ సింగరాయ్ అనే చిత్రంలో నటిస్తున్నాడు. హైదరాబాద్ శివారులోని అల్యూమినియం ఫ్యాక్టరీలో కోల్కత్తా సెట్ వేసి షూటింగ్ చేస్తున్నారు. క్లైమాక్స్ కు సంబందించిన కొన్ని కీలక సన్నివేశాలను చిత్రీకరిస్తున్నారు.
ఇప్పటికే క్లైమాక్స్ సన్నివేశాలు పూర్తి అయినప్పటికి మరల రీ షూట్ చేస్తున్నారు. ఈ చిత్రంలోని నాని పాత్రపై సోషల్ మీడియాలో రకరకాల వార్తలు వస్తున్నాయి. ఫునర్ జన్మ ఆధారంగా ఈ చిత్రం కథ ఉంటుంది అంటున్నారు. సోషియో ఫ్యాంటసీ కథ అని మరికొందరు అంటున్నారు. ఇకా ఈ చిత్రంలో సాయి పల్లవి, కృతి శెట్టి హీరోయిన్స్ గా నటిస్తున్నారు. గతంలో నాని తో సాయి పల్లవి మిడిల్ క్లాస్ అబ్బాయి అనే చిత్రంలో నటించింది.
శ్యామ్ సింగరాయ్ చిత్రానికి మిక్కీ జె మేయర్ సంగీతం అందిస్తున్నాడు. ఈ చిత్రాన్ని నాగ వంశీ నిర్మిస్తున్నాడు. నాని కెరీర్ లోనే ఈ చిత్రం హైయెస్ట్ బడ్జెట్ చిత్రం గా నిలుస్తుంది. ఈ సినిమా దసరా కానుకగా విడుదల చేసే అవకాశం ఉంది. నాని 28 వ మూవీగా అంటే సుందరానికి రూపొందుతుంది. ఈ చిత్రానికి వివేక్ ఆత్రేయ దర్శకత్వం వహిస్తున్నాడు. ఈయన గతంలో మెంటల్ మధిలో, బ్రోచేవారెవరురా అనే చిత్రాలకు దర్శకత్వం వహించాడు. ఇది ఆయనకు మూడోవా సినిమా, నానికి ఆయన దర్శకత్వంలో మొదటి సినిమాగా వస్తుంది కామెడీ అండ్ లవ్ ఎంటర్టైనర్ గా ఈ చిత్రం తెరకెక్కనున్నది. నాని కి జోడీగా మలయాళం నటి నజ్రియ నటిస్తుంది.