అల్లు అర్జున్ హీరోగా సుకుమార్ దర్శకత్వంలో పుష్ప అనే చిత్రం రూపొందుతుంది. ఈ చిత్రంలో అల్లు అర్జున్ లారీ డ్రైవర్ గా పుష్ప రాజ్ అనే పాత్రలో నటిస్తున్నాడు. ఈ చిత్రం యొక్క షూటింగ్ ఎక్కువబాగం మారేడుమిల్లి అడవి ప్రాంతంలో జరుపుకుంది. గందపు చెక్కల స్మగ్లింగ్ నేపథ్యంలో కథ ఉండటంతో పుష్ప టీమ్ అడవికి అంకితం అయ్యింది. బన్నీ కి జోడీగా రష్మిక మందన్న నటిస్తుంది.
సుకుమార్ ఈ చిత్రాన్ని ఆగష్టు 13వ తేదీన విడుదల చేస్తాం అని ప్రకటించాడు. దేశవ్యాప్తంగా కరోనా వ్యాపించడంతో ఆ సమయంలోగా షూటింగ్ పూర్తి అవ్వుతుందా అనే ఆలోచనలో చిత్ర బృందం పడింది. సుకుమార్ మొండి పట్టుదలతో కరోనా జాగ్రతలు తీసుకుంటూ షూటింగ్ చేస్తున్నాడు. ఈ క్రమంలో అల్లు అర్జున్ కరోనా భారినా పడి సెల్ఫ్ ఇసోలేషన్ లో రెస్ట్ తీసుకుంటున్నాడు. అల్లు అర్జున్ లేని కొన్ని సీన్స్ ను సుకుమార్ ఇతర తారాగణంపై తీస్తున్నాడు. ఈసారి ఈ చిత్రంలో విలన్ గా నటిస్తున్న ఫహద్ ఫాసిల్ పుష్ప టీమ్ కు షాక్ ఇస్తూ ఇంక నావల్ల కాదు నేను కరోనా నేపథ్యంలో ఇక్కడ ఉండలేను అని ప్యాకప్ చెప్పి కేరళ కు చెక్కేశాడు. పాపం సుకుమార్ చేసేది ఏమి లేక షూటింగ్ పోస్ట్ పోన్ చేశాడు.
పుష్ప సినిమా విషయానికి వస్తే ఈ చిత్రంలో మొత్తం ఆరుగురు విలన్స్ నటిస్తున్నారు అని టాక్. ఇటీవల ఈ చిత్రం నుండి విడుదలైన టీజర్ కు మంచి రెస్పాన్స్ వస్తుంది. మైత్రి మూవీ మేకర్స్ వారు ఈ చిత్రాన్ని భారీ బడ్జెట్ తో నిర్మిస్తున్నారు. దేవి శ్రీ ప్రసాద్ సంగీతం అందిస్తున్నాడు. ఈ చిత్రం తర్వాత సుకుమార్ విజయ్ దేవరకొండ తో ఓ సినిమా చేయనున్నాడు.