మెగాస్టార్ చిరంజీవిని హీరోగా పెట్టి తాను ఓ సినిమాను డైరెక్ట్ చేయబోతున్నానంటూ దర్శకుడు సుకుమార్ సోషల్ మీడియా వేదికగా ప్రకటించారు. మెగాస్టార్ చిరంజీని డైరెక్ట్ చేయబోతున్నా.. అవును చాలా ఏళ్లకు నా కల నిజం అవుతుందంటూ తన ఇన్ స్టా గ్రామ్ ద్వారా తెలిపారు డైరెక్టర్ సుక్కు. అయితే అందులో భాగంగానే చిరంజీవికి ధన్యావాదాలు తెలిపారు.
సెకండ్ ఇన్నింగ్స్ లో భాగంగా చిరు వరుస సినిమాలతో బిజీగా ఉన్నారు. ఇటీవలే ఆచార్య సినిమా షూటింగ్ పూర్తయింది. కొరటాల శివ దర్శకత్వంలో తన తనయుడు రామ్ చరణ్ తో కలిసి ఈ సినిమాలో నటించారు మెగాస్టార్ చిరంజీవి. ఈ చిత్రాన్ని ఏప్రిల్ 29వ తేదీన విడుదల చేయబోతున్నట్లు చిత్ర బృందం ప్రకచించింది. ఈ సినిమా తర్వాత చిరు దర్శకుడు మోహన్ రాజాతో కలిసి ఓ సినిమా చేస్తున్నట్లు అందరికీ తెలిసిందే.
మలయాళంలో సూపర్ హిట్ట కొట్టిన లూసిఫర్ చిత్రాన్ని తెలుగులో రీమేక్ చేస్తున్నారు. దీనికి ఆర్బీచౌదరి, ఎన్వీ ప్రసాద్ నిర్మిస్తున్నట్లు సమాచారం. అయితే మెగాస్టార్ కోసం ఒరిజినల్ కథలో చాలా మార్పులు చేసినట్లు తెలుస్తోంది. ఈ సినిమాకు గాడ్ ఫాదర్ అనే టైటిల్ ను ఖరారు చేశారు.
ప్రస్తుతం ఈ సినిమా షూటింగ్ జరుగుతోంది. అలాగే ఈ సినిమాతో పాటు చిరంజీవి మెహర్ రమేష్ దర్శకత్వంలో భోళా శంకర్ అనే సినిమాలో నటించబోతున్నారు. అలాగే బాబీ సినిమా కూడా చేస్తున్నారు. వీటితో పాటు వెంకీ కుడుముల దర్శకత్వంలో మరో సినిమాకు చేయబోతున్నట్లు సమాచారం.