బాహుబలి చిత్రం తో ప్రభాస్ పాన్ ఇండియా హీరోగా మారాడు. ఇప్పుడు ఆయన చేతిలో అన్నీ పెద్ద పెద్ద ప్రాజెక్ట్స్ ఉన్నాయి. ప్రస్తుతం రాధా కృష్ణ దర్శకత్వంలో రాధే శ్యామ్ అనే చిత్రంలో నటిస్తున్నాడు. ఈ చిత్రం షూటింగ్ చివరి దశకు వచ్చింది. పూజ హెగ్డే హీరోయిన్ గా నటిస్తుంది. ఈ చిత్రం కాకనే మరో మూడు చిత్రాలు లైన్ లో ఉన్నాయి.
ప్రస్తుతం అవి ప్రీ ప్రొడక్షన్ దశలో ఉన్నాయి. తాజా సమాచారం మేరకు మరో బాలీవుడ్ దర్శకత్వంలో ప్రభాస్ నటించే అవకాశం ఉందని వార్తలు వస్తున్నాయి. బ్యాంగ్ బ్యాంగ్ వార్ చిత్రాల దర్శకుడు సిద్దార్థ్ ఆనంద్ దర్శకత్వంలో ప్రభాస్ ఓ చిత్రంలో నటించనున్నాడని తెలుస్తుంది. ఇప్పటికే ఆయన ప్రభాస్ తో సినిమా గురించి చర్చల జరిపినట్లుగా వార్తలు వస్తున్నాయి. కాకపోతే ఈ చిత్రం సెట్స్ పైకి వెళ్లడానికి మరో మూడు ఏండ్ల సమయం పట్టేలాగా ఉంది. ఎందుకు అంటే సిద్దార్థ్ ఆనంద్ ప్రస్తుతం షారుఖాన్ తో పఠాన్ అనే చిత్రంను రూపొందిస్తున్నాడు.
ఈ చిత్రం తర్వాత హృతిక్ రోశన్ తో ఫైటర్ అనే చిత్రం ని తెరకెక్కించనున్నాడు. ఈ చిత్రంలో దీపికా హీరోయిన్ గా నటించనున్నది. కావున 2023 వరకు సమయం పట్టేలాగా ఉంది. ప్రభాస్ కూడా అప్పటివరకు ఆయన చెయ్యాలిసిన చిత్రాలు పూర్తి చేసుకుని ఫ్రీ అవ్వుతాడు. కావున ఆ సమయంలో వీరిద్దరి కాంబినేషన్లో మూవీ సెట్ పైకి వెళ్ళే అవకాశం ఉంది. ప్రస్తుతం ప్రభాస్ కే‌జి‌ఎఫ్ దర్శకుడు ప్రశాంత్ నీల్ దర్శకత్వంలో సలార్ అనే చిత్రంలో నటించనున్నాడు. ఈ చిత్రం ఈ నెల 29 నుండి రెగ్యులర్ షూట్ జరుపుకొనున్నది. శృతి హాసన్ హీరోయిన్ గా నటిస్తుంది. ఆ తర్వాత ఓం రౌత్ దర్శకత్వంలో అదిపురుష్, నాగ్ అశ్విన్ దర్శకత్వంలో ఓ సైన్స్ ఫిక్షన్ మూవీలు చెయ్యాలిసి ఉంది.