మలయాళం సూపర్ హిట్టు మూవీ అయ్యపనుమ్ కొషియమ్ ను తెలుగులో సాగర్ చంద్ర రీమేక్ చేస్తున్నాడు. రానా, పవన్ కళ్యాణ్ కీలక పాత్రలో నటిస్తున్నారు. ఈ చిత్రం యొక్క షూటింగ్ గణతంత్ర దినోత్సవం ను పురస్కరించుకొని ప్రారంబించారు. దర్శకుడు పవన్ కళ్యాణ్ బైక్ నడుపుతున్న షాట్ ను తీశాడు. తాజాగా అందుతున్న సమాచారం మేరకు రానా, పవన్ కళ్యాణ్ ల మధ్య వచ్చే యాక్షన్ ఎపిసోడ్ ను నేటి నుండి చిత్రకరిస్తున్నారు.
అందుకోసం భారీ సెట్ ను చిత్ర బృందం నిర్మించింది. ఈ యాక్షన్ ఎపిసోడ్ ను దిలీప్ సుబ్బరాయన్ కంపోస్ చేసినట్లుగా తెలుస్తుంది. ఈ చిత్రానికి ఈ యాక్షన్ సీక్వెన్స్ కీలకం గా నిలుస్తుందని అంటున్నారు. నేడు రానా ఈ షూటింగ్ లో పాల్గొనబోతున్నాడు. ఈ చిత్రానికి థమన్ సంగీతం అందిస్తున్నాడు. అలాగే మాటల మాంత్రికుడు ఈ చిత్రానికి బ్యాక్ బోన్ గా నిలుస్తున్నాడని వార్తలు వస్తున్నాయి. స్క్రీన్ ప్లే తో పాటుగా మాటలు అందిస్తున్నాడు.
అలాగే దర్శక పర్యవేక్షణ కూడా చేసే అవకాశాలు ఉన్నాయని తెలుస్తుంది. పవన్ కళ్యాణ్ కి జోడీగా ప్రముఖ హీరోయిన్ ను సంప్రదిస్తున్నట్లు సమాచారం, రానా తో సాయి పల్లవి జత కడుతుంది. విరాట పర్వం చిత్రంలోనూ వీరిద్దరు కలిసి నటించారు. ఈ చిత్రం నెలరోజులపాటు ఏకధాటిగా షూటింగ్ జరుపుకొనున్నది. ఈ నేపథ్యంలోనే పవన్, క్రిష్ దర్శకత్వంలో ఓ సినిమా చెయ్యనున్నాడు. ఈ సినిమాకోసం పవన్ అభిమానులు బాగా ఎదురుచూస్తున్నారు. పవన్ తన కెరీర్ లో నటిస్తున్న మొదటి పీరియాడికల్ మూవీ. ఈ చిత్రం తర్వాత మరో రెండు చిత్రాలు లైన్ లో ఉన్నాయి.