బాలీవుడ్ నుండి టాలీవుడ్ కి నటిగా ఎంట్రీ ఇచ్చిన పూజ హెగ్డే ప్రస్తుతం తెలుగులో టాప్ హీరోయిన్ గా కొనసాగుతుంది. ఈ నేపథ్యంలోనే ఇక్కడ పలు సూపర్ హిట్ట్ చిత్రాల్లో నటించింది. బాలీవుడ్ లోనూ తన అదృష్టం పరీక్షించుకుంటూ అక్కడ కూడా వచ్చిన అవకాశాలను వినియోగించుకొని సినిమాలు చేస్తుంది. మాస్టర్ చిత్రంతో సాలిడ్ హిట్ట్ ను కొట్టిన హీరో విజయ్ తో కోలివుడ్ లోకి ఎంట్రీ ఇస్తుంది. నెల్సన్ దిలీప్ కుమార్ దర్శకత్వంలో ఆమె హీరోయిన్ గా పరిచయం అవ్వుతుంది.
ఇక తెలుగు లో ప్రస్తుతం ఆమె చేతిలో రెండు పెద్ద ప్రాజెక్ట్స్ ఉన్నాయి. జిల్ దర్శకుడు రాధా కృష్ణ కుమార్ దర్శకత్వంలో రాధే శ్యామ్ అనే చిత్రంలో నటిస్తుంది. ప్రభాస్ కి జోడీగా ఈ చిత్రంలో నటిస్తుంది. పీరియాడికల్ నేపథ్యం కలిగిన కథ గా ఈ చిత్రం తెరకెక్కుతుంది. ఇప్పటికే ఈ చిత్రం నుండి విడుదలైన ప్రచార చిత్రాలకు ప్రేక్షకులనుండి మంచి ఆదరణ లబించింది. పూజ హెగ్డే నటిస్తున్న ఈ చిత్రంలోని తన పాత్రకు సంబందించిన షూటింగ్ పూర్తి అయిందని ఇటీవలే తన ఇంస్టా గ్రామ్ ఖాతా ద్వారా తెలియజేసింది. ఈ చిత్రంలో మురళి శర్మ కీలక పాత్రలో నటిస్తున్నాడు.
ఈ చిత్రం యొక్క షూటింగ్ కూడా చివరి దశకు వచ్చేసింది. సమ్మర్ లో ఈ చిత్రాన్ని విడుదల చేసే అవకాశం ఉందని వార్తలు వస్తున్నాయి. యువీ క్రియేషన్స్ బ్యానర్ పై ఈ చిత్రాన్ని వంశీ కృష్ణ రెడ్డి, ప్రమోద్ ఉప్పలపాటి, ప్రసీద ఉప్పలపాటి ఈ చిత్రాన్ని నిర్మిస్తున్నారు. ఈ చిత్రానికి జస్టిన్ ప్రభాకరన్ సంగీతం అందిస్తున్నాడు. పూజ హెగ్డే అఖిల్ అక్కినేని తో మోస్ట్ ఎలిజిబుల్ బ్యాచిలర్ అనే చిత్రాలో నటిస్తుంది. హిందీలో సర్కస్ అనే చిత్రంలో పూజ నటించనున్నది. ఈ చిత్రంలో రన్వీర్ సింగ్ హీరోగా నటిస్తున్నాడు. బాహుబలి స్టార్ ప్రభాస్, త్వరలో సలార్ చిత్రంలో నటించనున్నాడు.