మెగాస్టార్ చిరంజీవి – కొరటాల శివ కలయికలో తెరకెక్కుతున్న చిత్రం ఆచార్య. ‘సైరా నరసింహారెడ్డి’ లాంటి హిస్టారికల్ మూవీ తరవాత మెగాస్టార్ చేస్తోన్న కమర్షియల్ మూవీ కావడంతో ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు. కొరటాల సినిమా అంటే సోషల్ మెసేజ్ కూడా గ్యారంటీ. కాబట్టి, సినీ ప్రేమికులు సైతం ఈ సినిమా కోసం వేచి చూస్తున్నారు. లాక్‌డౌన్‌ తర్వాత సినిమా షూటింగ్‌ పునః ప్రారంభమైంది. ప్రస్తుతం ఈ చిత్ర ఫ్లాష్ బ్యాక్ ఎపిసోడ్ ను తెరకెక్కిస్తున్నట్లు సమాచారం.
ఈ చిత్రంలో చిరంజీవి సరసన కాజల్ అగర్వాల్‌ నటిస్తుండగా.. రామ్ చరణ్ కీ రోల్‌లో మెరవనున్నారు. అజయ్‌, సోనూసూద్‌, హిమజ తదితరులు కీలక పాత్రల్లో కనిపించనున్నారు. కొణిదెల ప్రొడక్షన్స్‌, మ్యాట్నీ ఎంటర్‌టైన్‌మెంట్స్ సంయుక్తంగా నిర్మిస్తున్న ఈ చిత్రానికి మణిశర్మ సంగీతం అందిస్తున్నారు.