మెగా ప్రిన్స్ వరుణ్ తేజ్ కిరణ్ కొర్రపాటి డైరక్షన్ లో చేస్తున్న సినిమా గని. బాక్సింగ్ బ్యాక్ డ్రాప్ లో వస్తున్న ఈ సినిమాలో వరుణ్ తేజ్ బాక్సర్ గా కనిపిస్తున్నాడు. బాలీవుడ్ భామ సయి మంజ్రేకర్ హీరోయిన్ గా నటిస్తున ఈ మూవీకి థమన్ మ్యూజిక్ అందిస్తున్నారు. ఇక ఈరోజు వరుణ్ తేజ్ బర్త్ డే సందర్భంగా గని నుండి ఓ టీజర్ రిలీజ్ చేశారు. బాక్సింగ్ రింగ్ లో దిగి బాక్సాఫీస్ రికార్డులు బద్ధలు కొట్టడానికి వస్తున్నాడు గని. వరుణ్ తేజ్ యాటిట్యూడ్, ఇంటెన్స్ చాలా బాగున్నాయి.
టీజర్ లో స్టోరీ రివీల్ చేయకపోయినా గని తప్పకుండా వరుణ్ తేజ్ కెరియర్ లో బెస్ట్ మూవీ అవుతుందని చెప్పొచ్చు. సినిమా కోసం రియల్ బాక్సింగ్ నేర్చుకున్న వరుణ్ తేజ్ ఈ సినిమాకు పడిన కష్టం మరే సినిమాకు పడలేదని తెలుస్తుంది. డైరక్టర్ కిరణ్ కొర్రపాటి కొత్త వాడే అయినా సినిమాను చాలా బాగా తెరకెక్కించాడని తెలుస్తుంది.
గీతా ఆర్ట్స్ బ్యానర్ లో అల్లు బాబీ నిర్మిస్తున్న ఈ సినిమా రిలీజ్ ఎప్పుడన్నది నిర్ణయించలేదు. అయితే ఆల్రెడీ షూటింగ్ పూర్తై పోస్ట్ ప్రొడక్షన్ వర్క్ కూడా ఫినిష్ దశలో ఉన్న ఈ సినిమా టీజర్ అంటూ ఇంకా గ్లింప్స్ మాత్రమే వదిలారు. మరి సినిమా కథ రివీల్ చేసే పాయింట్ ఎందుకు వదట్లేదు అన్నది తెలియాల్సి ఉంది. రిలీజ్ చేసిన గని ఫస్ట్ గ్లింప్స్ మాత్రం అదుర్స్ అనిపించింది. వరుణ్ తేజ్ బర్త్ డేకి పర్ఫెక్ట్ గిఫ్ట్ అని చెప్పొచ్చు.