ప్రస్తుతం పవన్ కళ్యాణ్ వకీల్ సాబ్ చిత్రం తో చిత్ర సీమా కు రీ ఎంట్రీ ఇస్తున్న సంగతి తెలిసిందే. పింక్ చిత్రానికి రీమేక్ గా తెరకెక్కుతున్న ఈ మూవీ షూటింగ్ ఇప్పటికే 80% పూర్తి కాగా..ఆ తర్వాత లాక్ డౌన్ వచ్చి బ్రేక్ ఇచ్చింది. ప్రస్తుతం కేంద్రం షూటింగ్ లకు అనుమతులు ఇవ్వడం తో మళ్లీ షూటింగ్ మొదలుపెట్టారు. ప్రస్తుతం ఈ చిత్ర షూటింగ్ అరకు లో జరుగుతుంది. సంక్రాంతికి ఈ సినిమాను తీసుకురావాలని యూనిట్ ముందుగా అనుకున్నప్పటికీ అనుకోని అవాంతరాల కారణంగా షూటింగ్ ఆలస్యమవుతూ వచ్చింది. దీంతో ఈ సినిమా సంక్రాంతి నుంచి సమ్మర్ రేసులోకి మారిపోయింది. అయితే ‘వకీల్ సాబ్’ నుంచి కొంతకాలంగా ఎలాంటి అప్‌డేట్ లేకపోవడంతో అభిమానులు నిరాశ వ్యక్తం చేస్తున్నారు. ఈ తరుణంలో ఓ వార్త అభిమానులను ఖుషి చేస్తుంది.
;వకీల్ సాబ్’ టీజర్ సిద్ధమందని, జనవరి 1న రిలీజ్ చేసేందుకు యూనిట్ సన్నాహాలు చేస్తోందంటూ ఓ వార్త నెట్టింట్లో హల్‌చల్ చేస్తోంది. మరి దీనిపై చిత్ర యూనిట్ క్లారిటీ ఇవ్వకపోయినా , ఈ వార్త నిజమే అని సినీ ప్రముఖులు అంటున్నారు. ఒకవేళ నిజంగా రిలీజ్ అయితే అభిమానులకు అంతకన్నా మరో పండగ లేదు. ఈ సినిమాలో శృతి హాసన్ హీరోయిన్‌గా నటిస్తుండగా.. అంజలి, నివేదా థామస్, అనన్య కీలక పాత్రల్లో కనిపించనున్నారు. తమన్ సంగీతం అందిస్తున్నారు.