కెరీర్ ప్రారంభంలో త్రివిక్రమ్ శ్రీనివాస్ చాలా సినిమాలకు మాటలు అందించాడు. వెంకటేష్ నువ్వు నాక్ నచ్చావ్, ఆకాశ్ ఆనందం, తరుణ్ నువ్వే నువ్వే ఇలా పలు సినిమాలకు ఆయన డైలాగ్ రైటర్ గా పనిచేశాడు. ఆ సినిమాలు సూపర్ డూపర్ హిట్ గా నిలిచాయి. ఆ తర్వాత ఆయన దర్శకుడిగా మారి ఎన్నో విజయాలను సొంతం చేసుకున్నాడు. ఈ మధ్య కాలంలో ఆయన నుండి వచ్చిన సినిమాలు మంచి విజయాన్ని అందించాయి.
ఎన్‌టి‌ఆర్ తో అరవింద సమేత రికార్డ్స్ ను క్రియేట్ చేసింది. అల్లు అర్జున్ తో అల వైకుంటపురం లో చిత్రం త్రివిక్రమ్ కి మంచి పేరు తెచ్చిపెట్టాయి. ఈ నేపథ్యంలోనే ఆయన ఎన్‌టి‌ఆర్ తో మరో సినిమాను చెయ్యనున్నడు. ప్రస్తుతం ఆ సినిమాకు సంబందించిన స్క్రిప్ట్ వర్క్ పనిలో బిజీగా ఉన్నాడు. ఈ క్రమంలోనే పవన్ తో ఓ సినిమా చెయ్యడానికి దర్శకుడు సాగర్ చంద్ర తో కలిసి పనిచేస్తున్నాడు. పవన్ కల్యాణ్, త్రివిక్రమ్ లు మొదటి నుండి కూడా మంచి మిత్రులు వీరి కాంబినేషన్ లో వచ్చిన జల్సా, అత్తారింటికి దారేది చిత్రాలు మంచి విజయం సాదించాయి.
అజ్ఞాతవాసి చిత్రం మాత్రం బాక్స్ ఆఫీస్ వద్ద బోల్తా పడింది. మలయాళం మూవీ ‘అయ్యప్పనుమ్ కోషియమ్’ ను తెలుగులో రీమేక్ చేస్తున్నారు. పవన్ కల్యాణ్, రానా లు ముఖ్య పాత్రలో నటిస్తున్నారు. సాగర్ చంద్ర ఈ చిత్రానికి దర్శకత్వం వహిస్తున్నాడు. సితారా ఎంటర్టైన్మెంట్ ఈ చిత్రాన్ని నిర్మిస్తుంది. ఈ చిత్రంకు స్క్రీన్ ప్లే, మాటల అందించేందుకు త్రివిక్రమ్ ను తీసుకున్నారు. ఈ విషయాన్ని చిత్ర యూనిట్ తమ అధికారిక సోషల్ మీడియా ఖాతా ద్వారా తెలియజేసింది.
త్రివిక్రమ్ చేరికతో సినిమాపై అంచనాలు పెరిగాయి. మలయాళం లో సూపర్ హిట్ సాదించిన ‘అయ్యప్పనుమ్ కోషియమ్’ తెలుగు నేటివిటికి తగిన విధంగా మార్పులు చెర్పులు చేస్తున్నారు. సాయి పల్లవి పవన్ కు జోడీగా నటిస్తుంది. రానా కోసం కథానాయకను ఎంపిక చేసే పనిలో ఉన్నారు. ఈ చిత్రం కోసం పవన్ కళ్యాణ్ 40 రోజులు డేట్స్ కేటాయించాడు. ఈ చిత్రం సెట్స్ పైన ఉండగానే క్రిష్ తో కలిసి ఓ సినిమాను చెయ్యనున్నాడు.