విజయ్ సేతుపతి, కమల్ హాసన్ మాదిరి తనలో దాగి ఉన్న న్యాచురల్ నటనతో తమిళ, తెలుగు ప్రేక్షకులను ఆకట్టుకుంటున్నాడు. కోలివుడ్ లో ఈ హీరో కు మామూలు క్రేజ్ లేదు. హీరోలతో సమానంగా విజయ్ కు కూడా ఫ్యాన్స్ ఉన్నారు. తమిళ్ తో పాటుగా తెలుగులోనూ విజయ్ తన సత్తా చాటుతున్నాడు. కాకపోతే హీరోగా కాదు విలన్ గా… ఇక్కడ స్టార్ హీరోల సరసన ప్రతినాయకుడు పాత్రలు వస్తున్నాయి.
ఇటీవల లోకేష్ కనగరాజ్ దర్శకత్వంలో వచ్చిన మాస్టర్ చిత్రంలో భవాని అనే పాత్రలో నటించి మెప్పించాడు. ఈ చిత్రం తమిళ్ తో పాటుగా తెలుగులోనూ సూపర్ హిట్టును సొంతం చేసుకుంది. ఈ నేపథ్యంలోనే సుకుమార్ శిష్యుడు బుచ్చి బాబు సన దర్శకత్వంలో ఉప్పెన చిత్రంలో రాయనం అనే పాత్రలో నటించాడు. ఈ చిత్రంతో పంజా వైష్ణవ్ తేజ్ హీరోగా పరిచయం అయ్యాడు. రాయనం క్యారెక్టర్ లో విజయ్ జీవించేశాడు. చాలా మంది విజయ్ నటన చూడటానికే సినిమాకు వెళ్ళుతున్నట్లుగా పబ్లిక్ చెబుతున్నారు.
ఈ క్రమంలోనే ఎన్టీఆర్, త్రివిక్రమ్ కాంబినేషన్ లో తెరకెక్కనున్న చిత్రంలో మెయిన్ విలన్ పాత్ర కోసం విజయ్ సేతుపతిని సంప్రదిస్తున్నట్లుగా ఫిల్మ్ నగర్ నుండి అందుతున్న సమాచారం. అందుకు గురుజి కూడా విజయ్ అయితేనే సరైన న్యాయం చేయగలడు అని నమ్ముతున్నాడు. అయిననూ పోయిరావలే హస్తినకు అనే టైటిల్ ప్రచారంలో ఉంది. త్వరలోనే అధికారిక ప్రకటన వచ్చే అవకాశం ఉంది. ఎన్టీఆర్ లాంటి పవర్ ఫుల్ హీరోను ఢీ కొట్టాలంటే విజయ్ అయితేనే సరిపోతాడు అని నందమూరి అభిమానులు కూడా అభిప్రాయ పడుతున్నారు.