మాటల మాంత్రికుడు త్రివిక్రమ్ శ్రీనివాస్, పవన్ కళ్యాణ్ కాంబినేషన్ లో ఇప్పటికే మూడు చిత్రాలు వచ్చాయి. తీన్ మార్ చిత్రానికి త్రివిక్రమ్ శ్రీనివాస్ మాటలు అందించాడు. ఆ సమయం నుండి పవన్ కు ,త్రివిక్రమ్ కు మధ్య మంచి ఫ్రెండ్షిప్ ఏర్పడింది. అప్పటి నుండి వీరి మధ్య బందం గట్టిపడుతు వస్తుంది. ఆ తర్వాత పవన్ కళ్యాణ్ జల్సా సినిమాతో త్రివిక్రమ్ కు ఛాన్స్ ఇచ్చాడు. మొదటి సినిమాతోనే మంచి హిట్టు దక్కించుకున్నాడు. ఆ తర్వాత రెండో సినిమా గా అత్తారింటికి దారేది చిత్రంతో మరో బ్లాక్ బస్టర్ ను దక్కించుకున్నారు.
వీరిద్దరి భావాలు ఒక్కటే కావడంతో వీళ్ళ జర్నీకి ఫుల్ స్టాప్ లేకుండా కొనసాగుతూ వచ్చింది. ఆ తర్వాత అజ్ఞాతవాసి చిత్రం బాక్స్ ఆఫీస్ వద్ద బోల్తా కొట్టిన మరో సినిమాలో త్రివిక్రమ్ శ్రీనివాస్ కి పవన్ కళ్యాణ్ ఛాన్స్ ఇచ్చాడు. కాకపోతే ఇప్పుడు పవన్ చేయబోతున్న చిత్రానికి మాటలు అందిస్తున్నాడు. మరోసారి త్రివిక్రమ్ తన పెన్ను కు పదును పెడుతున్నాడు. పవన్ కళ్యాణ్ పోలిటికల్ ఎంట్రీ తర్వాత ఆయన సినిమాలోకి రీ ఎంట్రీ ఇచ్చిన సంగతి అందరికి తెలిసిందే. ఈ నేపథ్యంలో వకీల్ సాబ్ చిత్రాని దిల్ రాజు నిర్మాణంలో పూర్తి చేశాడు. ఆ తర్వాత మలయాళ సూపర్ హిట్టు చిత్రం అయ్యపనుమ్ కొషియమ్ ను తెలుగులో రీమేక్ చేస్తున్నారు.
ఈ చిత్రానికి సాగర్ చంద్ర దర్శకత్వం వహిస్తుంటే స్క్రీన్ ప్లే, మాటలు త్రివిక్రమ్ శ్రీనివాస్ అందిస్తున్నాడు. ఈ చిత్రంలో పవన్ కళ్యాణ్ పాత్రపై త్రివిక్రమ్ స్పెషల్ ఫోకస్ పెట్టాడు అంట. పవర్ ఫుల్ మాటలను మాత్రమే ఇవ్వకుండా పవన్ కళ్యాణ్ పాత్రను కూడా చక్కగా డిజైన్ చేసినట్లుగా వార్తలు వస్తున్నాయి. ఈ చిత్రంలో దగ్గుబాటి రానా మరో కీలక పాత్రలో నటిస్తున్నాడు. సాయి పల్లవి పవన్ కళ్యాణ్ కు భార్యగా నటిస్తుంది. ఈ చిత్రానికి థమన్ సంగీతం అందిస్తున్నాడు. త్రివిక్రమ్ శ్రీనివాస్, ఎన్‌టి‌ఆర్ కాంబినేషన్ లో మరో సినిమా త్వరలో తెరపైకి రానున్నది. ఇప్పటికే స్క్రిప్ట్ వర్క్ పూర్తి చేసి ఎన్‌టి‌ఆర్ కోసం వెయిట్ చేస్తున్నాడు త్రివిక్రమ్.