కరోనా కు మరో సినీ రచయిత బలి

చిత్రసీమను కరోనా మహమ్మారి వణికిస్తోంది. ఇప్పటికే దీనిబారిన అనేకమంది పడగ..ఇందులో కొంతమంది క్షేమంగా బయటపడగా..మరికొంతమంది బలయ్యారు. ఇక తాజాగా గురువారం టాలీవుడ్ ఇండస్ట్రీ కి చెందిన సినీ రచయిత కరోనా కు బలైయ్యారు. వర్ధమాన కథా రచయిత కొండవీటి వంశీ రాజేష్ కరోనాతో కన్నుమూశారు. గత కొద్ది రోజులుగా కరోనాతో పోరాడుతున్న ఆయన గురువారం సాయంత్రం తుదిశ్వాస విడిచారు.

వంశీ రాజేష్ మరణ వార్తను దర్శకుడు శ్రీను వైట్ల ఖరారు చేశారు. ఈ మేరకు ఆయన ట్విట్టర్ ద్వారా స్పందించారు. రాజేష్ మృతిని తాను నమ్మలేకపోతున్నాని పేర్కొన్నారు. ‘‘ప్రతిభావంతుడైన రచయిత వంశీ రాజేష్ మరణ వార్త విని షాక్‌కు గురయ్యాను. చాలా బాధగా ఉంది. నాకు మధురమైన జ్ఞాపకాలను వదిలిపెట్టి వెళ్లిపోయాడు. నా జీవితంలో ఆయన్ని మరిచిపోవడం అంటూ జరగదు. ఆయన కుటుంబానికి నా ప్రగాఢ సానుభూతిని తెలియజేస్తున్నాను. వంశీ ఆత్మకు శాంతి చేకూరాలి’’ అని శ్రీను వైట్ల పేర్కొన్నారు.

Shocked and deeply saddened by the demise of talented writer, Vamsi Rajesh..
Had great memories with him and he will remain in my thoughts forever..
My deepest condolences to his family..
RIP Vamsi… pic.twitter.com/AcWPSlpMtY— Sreenu Vaitla (@SreenuVaitla) November 12, 2020