మంచు మోహన్ బాబు విలన్ గా, హీరోగా, కమెడియన్ గా, క్యారెక్టర్ ఆర్టిస్ట్ గా నటించి, అత్యున్నత స్థాయి కి చేరుకున్నాడు. చిరంజీవి తో పోటీ పడుతూ మరి సినిమాల్లో నటించేవాడు. వయసు మీద పడుతుండటంతో మెచ్యూర్డ్ పాత్రలను మాత్రమే చేస్తూ వస్తున్నాడు. ఈ మధ్య సూర్య హీరోగా తమిళంలో సురాయి పోట్రు అనే చిత్రంలో కీలక పాత్రలో నటించాడు. తెలుగులో ఈ చిత్రం ఆకాశమే హద్దురా గా డబ్బింగ్ చేసే వదిలారు.
ఇక్కడ కూడా ఈ చిత్రం సూపర్ హిట్టు అయింది. ప్రస్తుతం ఆయన సోలోగా నటిస్తున్న చిత్రం సన్ ఆఫ్ ఇండియా. ఈ చిత్రాని మంచు విష్ణు లక్ష్మి ప్రసన్న పిక్చర్స్, 24 ఫ్రేమ్స్ ఫ్యాక్టరీ బ్యానర్ పై నిర్మిస్తున్నాడు. డైమండ్ రత్న బాబు ఈ చిత్రానికి దర్శకత్వం వహిస్తున్నాడు. హీరో శ్రీకాంత్ కీలక పాత్రలో నటిస్తున్నాడు. మ్యూజిక్ మ్యాస్ట్రో ఇలయరాజా సంగీతం అందిస్తున్నాడు. నేడు ఈ చిత్రం నుండి మంచు మోహన్ బాబు ఫస్ట్ లుక్ ను చిత్ర బృందం విడుదల చేసింది.
మెడలో రుద్రాక్ష ధరించి, నెరిసిన జుట్టు, గడ్డంతో కనిపించాడు. ఫస్ట్ లుక్ తో మోహన్ బాబు ఆకట్టుకున్నాడు. సోషల్ మీడియాలో మోహన్ బాబు సన్ ఆఫ్ ఇండియా లుక్ పై నెటిజన్స్ ప్రశంసలు కురిపిస్తున్నారు. ఆర్‌జి‌వి రౌడీ చిత్రం తర్వాత మోహన్ బాబు హీరోగా నటిస్తున్న చిత్రం ఇది. ఈ చిత్రం తర్వాత ఆయన వరసగా సినిమాలు చేస్తున్నాడు అనే వార్తలు వచ్చాయి. కానీ ఆయన పి‌ఆర్‌ఓ ట్విట్టర్ ద్వారా క్లారీటి ఇచ్చాడు మోహన్ బాబు గారు ప్రస్తుతం సన్ ఆఫ్ ఇండియా చిత్రంలో మాత్రమే నటిస్తున్నారు. చిరంజీవి ఆచార్య చిత్రంలో కూడ నటించడం లేదని తెలియజేశాడు.