‘ఖైదీ’ అనే మంచి థ్రిల్లర్‌ మూవీతో బ్లాక్ బస్టర్ హిట్ కొట్టిన తమిళ హీరో కార్తి.. ఇప్పుడు ‘సుల్తాన్’ అనే ఫ్యామిలీ అండ్ యాక్షన్ ఎంటర్‌టైనర్‌తో ప్రేక్షకుల ముందుకు వచ్చేందుకు సిద్ధమవుతున్నారు. కార్తి, రష్మిక మందన హీరోహీరోయిన్లుగా నటించిన ‘సుల్తాన్’ సినిమాకు ‘రెమో’ ఫేమ్ బక్కియరాజ్ కన్నన్ దర్శకత్వం వహించారు. డ్రీమ్ వారియర్స్ పిక్చర్స్ బ్యానర్‌పై ఎస్.ఆర్. ప్రకాష్ బాబు, ఎస్.ఆర్. ప్రభు నిర్మిస్తున్నారు.
ఈ సినిమా యూనిట్ థియేటర్లు తెరుచుకున్నప్పటికీ ఓటీటీ పైనే మొగ్గు చూపుతున్నారట. అయితే ఓటీటీ లాక్‌డౌన్ సమయంలో ఫిల్మ్ మేకర్స్‌కి ఓటీటీలు ఆశాకిరణాల్లో కనిపించాయి. వీటిలో సినిమా విడుదలైతే సినిమా పరిస్థితి ఏంటరని అందరూ సందేహించారు. అదే సమయంలో సూర్య సినిమా ‘సురారై పోట్రు’ తెలుగులో ఆకాశం నీ హద్దురా విడుదలై అందరికీ షాక్ ఇచ్చింది. ఈ ఏడాది ఓటీటీలో విడుదలైన ఆకాశం నీ హద్దురా సినిమా జాతీయ స్థాయిలో మంచి విజయాన్ని అందుకుంది. ఈ ఏడాది ఎక్కువ మంది వీక్షించిన సినిమాల్లో కూడా రెండో స్థానంలో నిలిచింది. ఇప్పుడు తమ్ముడు కూడా అన్న బాటలో నడిచేందుకు చూస్తున్నాడు. కార్తీ సినిమా సుల్తాన్‌ను ఓటీటీలో విడుదల చేయడం కోసమని డిస్నీ+, హాట్ స్టార్లతో సంప్రదింపులు చేస్తున్నారట. ఇదొక్కటే కారణం కాదట ..సంక్రాంతి బరిలో విజయ్ నటించిన మాస్టర్ చిత్రం రిలీజ్ కాబోతుంది. దీనిపై భారీ అంచనాలు నెలకొని ఉన్నాయి. ఈ చిత్ర కారణంగా కూడా సుల్తాన్ ను ఓటిటి లో రిలీజ్ చేయబోతున్నారట. మరి ఫైనల్ గా చిత్ర మేకర్స్ ఏమి డిసైడ్ అవుతారో చూడాలి.