యునివర్సల్ నటుడు కమల్ హాసన్ కు ఇద్దరు కూతుర్లు అందులో శృతి హాసన్. తెలుగు వారికి బాగా పరిచయం ఉన్న నటీమణి.. సిద్దార్థ్ హీరోగా నటించిన “అనగనగ ఓ ధీరుడు” అనే చిత్రంతో ఆమె టాలీవుడ్ కు పరిచయం అయింది. మొదటి సినిమానే డిఫ్ఫరెంట్ రోల్ తో అందరిని ఆకట్టుకుంది. ఆ తర్వాత ఆమెకు ఇక్కడ అవకాశాలు వచ్చిన ఆమె నటించిన చాలా చిత్రాలు ఫ్లాప్ అయ్యాయి. ఈ నేపథ్యంలో పవన్ కళ్యాణ్ “గబ్బర్ సింగ్” చిత్రంతో ఆమె కు వరస విజయాలు దక్కాయి ఐరెన్ లెగ్ కాస్త గోల్డెన్ లెగ్ గా మారిపోయింది.
రీసెంట్ గా ఆమె తెలుగులో రవి తేజ హీరోగా నటించిన “క్రాక్” చిత్రంలో నటించింది. ఈ చిత్రం సూపర్ హిట్టు అయింది. ఈ చిత్రంలోని శృతి హాసన్ పాత్రను దర్శకుడు గోపిచంద్ మలినేని చాలా చక్కగా తీర్చి దిద్దాడు. క్రాక్ చిత్రాని బేస్ చేసుకొని ఏకంగా ప్రభాస్ తో సలార్ మూవీలో ఛాన్స్ కొట్టేసింది. తాజాగా ఆమె బాలీవుడ్ హంగామాకు ఇచ్చిన ఇంటర్వ్యూ లో… రవి తేజ పై పొగడ్తల వర్షం కురిపించింది. ఇప్పటికి రవితేజ తో రెండు చిత్రాలో నటించాను. రవి నాకు చాలా స్పెషల్ మేము ఇద్దరం చాలా అద్భుతమైన నటులం. బలుపు, క్రాక్ చిత్రాలు రూపంలో మాకు రెండు హిట్స్ వచ్చాయి. రవితేజ నాకు దగ్గరి బందువు లాంటి వాడు. నా హృదయంలో ఆయనకు ప్రత్యేకమైన స్థానం ఉందని శృతి హాసన్ చెప్పింది.
శృతి హాసన్ సినిమాల విషయానికి వస్తే కే‌జి‌ఎఫ్ దర్శకుడు ప్రశాంత్ నీల్ దర్శకత్వంలో ప్రభాస్ హీరోగా రూపొందుతున్న చిత్రం సలార్. ఈ చిత్రంలో శృతి హాసన్ హీరోయిన్ గా నటిస్తుంది. అలాగే పిట్టకథలు అనే సినిమాలోనూ శృతి హీరోయిన్ గా నటించింది. ఈ చిత్రానికి నలుగురు దర్శకులు అందులో నాగ్ అశ్విన్, నందిని రెడ్డి, తరుణ్ భాస్కర్, సంకల్ప్ రెడ్డి లు ఉన్నారు. ఈ చిత్రం ఫిబ్రవరి 19న నెట్ ఫ్లిక్స్ లో విడుదల అవ్వుతుంది.