బాలీవుడ్‌ నుండి టాలీవుడ్‌ వరకు చాలా మంది సినీ సెలబ్రెటీలు బిగ్బాస్ ఛాన్స్ కోసం వెయిట్‌ చేస్తూ ఉంటారు. ఎంతో మంది ఎన్నో రకాలుగా బిగ్బాస్ లో చోటు సంపాదించేందుకు ప్రయత్నాలు చేస్తూ ఉంటారు. ముఖ్యంగా ఫేమ్‌ లేని వారు ఆఫర్లు లేని వారు ఈ షో కోసం పరితపిస్తూ ఉంటారు. కాని కొందరు సెలబ్రెటీలు మాత్రం బిగ్బాస్ అంటేనే నాకు అక్కర్లేదు అన్నట్లుగా మాట్లాడుతున్నారు. తెలుగు బిగ్బాస్ సీజన్‌ 4 రెండు రోజుల్లో ప్రారంభం కాబోతుంది.
ఈ నేపథ్యంలో అంతా కూడా షో లో కంటెస్టెంట్‌ చేయబోతున్నది ఎవరు అయ్యి ఉంటారా అంటూ ఆసక్తిగా ఎదురు చూస్తున్నారు. చాలా పేర్లు ప్రచారం అయితే జరిగాయి. కాని ఎల్లుండి నుండి ప్రసారం కాబోతున్న షో లో ఉన్నది ఎవరు లేనిది ఎవరు అనే విషయంలో క్లారిటీ రావాల్సి ఉంది. ఇప్పటికే నటి ప్రగతి తాను బిగ్బాస్ లో కనిపించాలని అనుకోవడం లేదు. పేరు లేని వారికి డబ్బు లేని వారికి ఆ షో అవసరం.
నాకు ఎలాంటి ఫేం కాని డబ్బు కాని అవసరం లేదు. అందుకే నేను షో లో పాల్గొనాలని అనుకోవడం లేదు అంటూ ఫుల్‌ క్లారిటీ ఇచ్చింది. తానెప్పుడు కూడా బిగ్బాస్ షో లో కనిపించబోను అంటూ పేర్కొంది. ఈసీజన్‌ లో సింగర్‌ సునీత కూడా ఉంటుందని వార్తలు వచ్చాయి. కాని ఆమె కూడా ఈ విషయాన్ని కొట్టి పారేసింది. తకు అలాంటి ఆలోచన లేదని, బిగ్బాస్ వాళ్లు నన్ను అడిగినా నేను మాత్రం నో చెప్పాను అంటూ పేర్కొంది. ఇప్పుడే కాదు భవిష్యత్తులో ఎప్పుడు కూడా బిగ్బాస్ లోకి వెళ్లాలని అనుకోవడం లేదు.
వారు బంగారం లాంటి ఆఫర్‌ అంటూ ఇచ్చినా కూడా నాకు మాత్రం వద్దు బాబోయ్‌ అంటూ సునీత నో చెబుతుందట. బిగ్బాస్ విషయంలో కొందరు సెలబ్రెటీలకు చెడ్డ అభిప్రాయం ఉంది. ఉన్న మంచి పేరు పోతుందేమో అనే భయం కొందరిలో ఉంది. అందుకే కొందరు బిగ్బాస్ అంటేనే అక్కర్లేదు అన్నట్లుగా ఉంటున్నారు. మరికొందరు మాత్రం ఒక్క ఛాన్స్ వస్తే బాగుండు అనుకుంటున్నారు.