ప్రేమ కావాలి చిత్రంతో హీరోగా ఇండస్ట్రీ కి పరిచమైన ఆది సాయి కుమార్..మొదటి సినిమాతోనే సూపర్ హిట్ కొట్టి వార్తల్లో నిలిచాడు. ఆ తర్వాత లవ్లీ , సుకుమారుడు సినిమాలతో హ్యాట్రిక్ అందుకున్నాడు. కానీ ఆ తర్వాత మాత్రం వరుస ప్లాప్స్ అందుకుంటూ వస్తున్నాడు. ప్రస్తుతం కొత్త డైరెక్టర్ శ్రీనివాస్ నాయుడు డైరెక్షన్లో ‘శశి’ అనే సినిమా చేస్తున్నాడు.
శ్రీ హనుమాన్ మూవీ మేకర్స్ బ్యానర్ పై ఆర్.పి.వర్మ – సి.రామాంజనేయులు – చింతలపూడి శ్రీనివాస్ సంయుక్తంగా ఈ చిత్రాన్ని నిర్మిస్తున్నారు. ఇప్పటికే పూర్తైన ఈ లవ్ అండ్ ఫ్యామిలీ ఎంటర్టైనర్ కరోనా లాక్ డౌన్ కారణంగా ఇన్నాళ్లు విడుదలకు నోచుకోలేదు. ఇప్పుడు థియేటర్స్ రీ ఓపెన్ అవుతుండటంతో ‘శశి’ చిత్రాన్ని విడుదల చేయడానికి ప్రయత్నాలు చేస్తున్నారు. ఈరోజు (డిసెంబర్ 23) హీరో ఆది సాయికుమార్ బర్త్ డే సందర్భంగా ఈ చిత్ర టీజర్ ని మెగాస్టార్ చిరంజీవి చేతుల మీదుగా రిలీజ్ అయ్యింది.
‘మన చివరి క్షణాలు చూస్తున్నప్పుడే మొదటి క్షణాలు గుర్తొస్తాయి’ అంటూ ఆది చెప్పే డైలాగ్ తో ‘శశి’ టీజర్ ప్రారంభమైంది. ‘ఇష్టమైన పని చేయడానికి.. అవసరం కోసం పని చేయడానికి చాలా తేడా ఉంది’ ‘అమ్మాయి అందంగా ఉందని ప్రేమించేసి.. తర్వాత ప్రాబ్లమ్స్ లో ఉందని వదిలిస్తే అది లవ్ ఎలా అవుతుంది’ వంటి డైలాగ్స్ ఆకట్టుకున్నాయి. యాక్షన్ ఎంటర్టైనర్ గా తెరకెక్కిన ఈ మూవీ లో ఆది సరసన సురభి జోడి కట్టింది. ఈ చిత్రానికి అరుణ్ చిలువేరు సంగీతం అందిస్తుండగా.. అమర్నాథ్ బొమ్మిరెడ్డి సినిమాటోగ్రఫీ అందించారు. ఇక ఈ చిత్రంలో రాజీవ్ కనకాల – వెన్నెల కిశోర్ – తులసి – జయప్రకాష్ – అజయ్ – వైవా హర్ష – సుదర్శన్ ఇతర ముఖ్య పాత్రల్లో నటించారు. https://www.youtube.com/embed/oNHXsV6s_A8