శేఖర్ కమ్ముల సినిమాలు అంటే పల్లే నేపథ్యం ఉట్టి పడేలాగా ఉంటాయి. ఆయన గత సినిమాలను పరిశీలిస్తే మంచి సాహిత్యం, గౌరవ ప్రదమైన బాషా, చేతులెత్తి నమస్కరించే సంప్రదాయం ఇవ్వని మనం శేఖర్ కమ్ముల సినిమాల్లో చూడవచ్చు. ప్రస్తుతం ఈ దర్శకుడు నాగ చైతన్య తో లవ్ స్టోరీ చిత్రాని పూర్తి చేశాడు. ఇప్పటికే ఈ చిత్రం నుండి విడుదల చేసిన ఫస్ట్ లుక్ లకు మరియు టీజర్ కు అక్కినేని ఫాన్స్ నుండి మరియు ప్రేక్షకులనుండి మంచి ఆదరణ లభించింది.
ఫిదా బ్యూటీ సాయి పల్లవి ఈ చిత్రంలో హీరోయిన్ గా నటిస్తుంది. గతంలో ఈమెతో ఫిదా అనే చిత్రాని రూపొందించాడు. ఇప్పుడు ఇది రెండోవ చిత్రం. ప్రేమమ్ చిత్రంలో సాయి పల్లవి నటన చూసి ఫిదా అయిన తెలుగు యువ హీరోలు తమ సినిమాలో హీరోయిన్ కోసం సాయి పల్లవినే ఎంపిక చేసుకుంటున్నారు. ఈ క్రమంలోనే టాలీవుడ్ నుండి చాలా పెద్ద పెద్ద బడ్జెట్ సినిమాలు ఆమె ఇంటి ముందు క్యూ కడుతున్నాయి.
నాగచైతన్య కూడా మజిలీ, వెంకీ మామా చిత్రాలతో మంచి హిట్స్ కొట్టాడు. ఇప్పుడు ఆయన నటిస్తున్న మూడో చిత్రం లవ్ స్టోరీ. ఈ చిత్రం కూడా విజయం సాదిస్తుందనే నమ్మకంతో ఉన్నాడు. ఈ చిత్రం నుండి మరో మాస్ బీట్ పాటను ఈ నెల 28న లాంచ్ చేయబోతున్నారు. “సారంగ దరియా” అంటూ సాగే సాంగ్ లో అమ్మడు దుమ్ము దులిపే డ్యాన్స్ చేసినట్లుగా వార్తలు వస్తున్నాయి. ఈ పాటను అక్కినేని కోడలు సమంత చేతుల మీదుగా విడుదల చేయబోతున్నారు.
ఫిదా సినిమాలో “వచ్చిండే మెల్ల మెల్లగా వచ్చిండే” పాటకు ఏ విదంగా సాయి పల్లవి డ్యాన్స్ చేసిందో అది ఎంత పాపులర్ అయిందో ఆ రేంజ్ లో మరోసారి లవ్ స్టోరీ సినిమాకు తన స్టెప్స్ ను వేసినట్లుగా తెలుస్తుంది. ఈ చిత్రానికి ఏ‌ఆర్ రెహమాన్ శిష్యుడు పవన్ సి‌హెచ్ సంగీతం అందించాడు. అమిగోస్ క్రియేషన్స్, శ్రీ వేంకటేశ్వర సినిమాస్ పై నారాయణ దాస్ కే నారంగ్, పుస్కర్ రామ్ మోహన్ రావు లు నిర్మిస్తున్నారు. ఈ చిత్రం ఏప్రిల్ 16న విడుదల అవ్వుతుంది.