బాహుబలి చిత్రం తో దేశ వ్యాప్తంగా క్రేజ్ తెచ్చుకున్న యంగ్ రెబెల్ స్టార్ ప్రభాస్..ఆ తర్వాత వరుస పాన్ మూవీస్ లలో నటిస్తూ అలరిస్తున్నాడు. ప్రస్తుతం రాధే శ్యామ్ మూవీలో నటిస్తున్నాడు. ఈ మూవీ సెట్స్ ఫై ఉండగానే మరో రెండు పాన్ మూవీస్ లకు గ్రీన్ సిగ్నల్ ఇచ్చి అభిమానుల్లో సంబరాలు నింపాడు. ఇప్పుడు కెజిఎఫ్ చిత్రంతో దేశ వ్యాప్తంగా క్రేజ్ సొంతం చేసుకున్న ప్రశాంత్ నీల్ డైరెక్షన్లో సలార్ మూవీ చేస్తున్నట్లు అధికారిక ప్రకటన చేసారు. ఈ ప్రకటన రాగానే కోలీవుడ్ లో ఓ వార్త బయటకు వచ్చింది.
ప్రశాంత్ గతంలో కన్నడంలో చేసిన ‘ఉగ్రమ్’ కు ఇది రీమేక్ అంటూ వార్త బయటకు వచ్చింది. ఈ వార్త ఆలా వచ్చిందో లేదో ప్రభాస్ అభిమానులతో పాటు మిగతా వారు కూడా ఉగ్రమ్ సినిమా చూసేందుకు పోటీపడుతున్నారు. ఇక ఈ సినిమా చూసిన చాలామంది ఉగ్రమ్ సినిమాను ఎలా ఒప్పుకున్నాడని .. ఒక సింపుల్ మాస్ కథను పాన్ మూవీ గా ఎలా చేస్తారని కామెంట్స్ వేస్తున్నారు. అయితే సినీ వర్గాల నుండి అందుతున్న సమాచారం ప్రకారం ఉగ్రమ్ ను పూర్తిగా మార్చేసి ప్రభాస్ రేంజ్ కి తగ్గట్లుగా భారీ యాక్షన్ సీన్స్ తో ప్రశాంత్ నీల్ తెరకెక్కించేందుకు ముందుకు వచ్చాడట. అందుకే ప్రభాస్ ప్రశాంత్ కు ఓకే చెప్పినట్లు తెలుస్తుంది.