అక్కినేని అఖిల్ ప్రస్తుతం బొమ్మరిల్లు భాస్కర్ డైరెక్షన్లో ‘మోస్ట్ ఎలిజిబుల్ బ్యాచ్‌ల‌ర్’ చిత్రం చేస్తున్నాడు. పూజా హగ్దే హీరోయిన్ గా నటిస్తున్న ఈ మూవీ ని గీత ఆర్ట్స్ 2 బ్యానర్ లో బన్నీ వాసు ఈ సినిమాను నిర్మిస్తున్నాడు. ప్రస్తుతం షూటింగ్ దశలో ఉండగానే తన ఐదో చిత్రానికి గ్రీన్ సిగ్నల్ ఇచ్చాడు అఖిల్.
సురేందర్ రెడ్డి దర్శకత్వంలో చిత్రాన్నిఏకే ఎంటర్టెన్మెంట్స్ బ్యానర్లో తన ఐదో సినిమా చేయబోతున్నాడు. ఈ సినిమాలో హీరోయిన్ ను తాజాగా ఎంపిక చేసినట్లుగా సమాచారం. మోడల్ కమ్ హీరోయిన్ అయిన సాక్షి వైధ్య అఖిల్ తో రొమాన్స్ చేయబోతుంది. ఇప్పటికే ఆమె ఫొటో షూట్ చేయడంతో పాటు టెస్ట్ షూటింగ్ కూడా జరిగిందని అంటున్నారు. అఖిల్ కు ఆమె సరి జోడీగా దర్శకుడు సురేందర్ రెడ్డి అభిప్రాయం వ్యక్తం చేస్తున్నాడట. స్క్రిప్ట్ వర్క్ పూర్తి అయిన ఈ సినిమాను అతి త్వరలోనే పట్టాలెక్కించాలని చిత్ర యూనిట్ చూస్తున్నారు.