మలయాళం ప్రేమమ్ సినిమా తో సౌత్ ఇండియన్ ప్రేక్షకులను అలరించిన సాయిపల్లవి తెలుగులో వరుసగా సినిమాల్లో నటిస్తోంది. అయితే ఈమె కమర్షియల్ హీరోయిన్ గా కాకుండా నటనకు ఆస్కారమున్న పాత్రలో నటించేందుకు ఎక్కువ ఆసక్తిని చూపిస్తోంది. కోట్ల పారితోషికాలు ఆఫర్ ఇస్తూ కమర్షియల్ పాత్రలను ఇచ్చేందుకు మేకర్స్ సిద్ధంగా ఉన్నప్పటికీ ఈమె మాత్రం నటనకు ఆస్కారం ఉన్న పాత్రలను మాత్రమే కమిటీ అవుతూ వస్తోంది.
తాజాగా ఈమె మెగాస్టార్ చిరంజీవి నటించబోతున్న తమిళ సూపర్ హిట్‌ మూవీ వేదాళం రీమేక్‌ లో చెల్లెలి పాత్రలో నటించేందుకు ఓకే చెప్పినట్లుగా వార్తలు వస్తున్నాయి. అదే సమయంలో ఈమె ఎఫ్ 2 మరియు సరిలేరు నీకెవ్వరు సినిమాలతో సూపర్ హిట్స్ దక్కించుకున్న దర్శకుడు అనిల్ రావిపూడి దర్శకత్వం లో ఒక సినిమా చేసేందుకు కమిట్‌ అయినట్లుగా సమాచారం అందుతోంది. అనిల్ రావిపూడి ఈ ఏడాది ఆరంభంలో సరిలేరు నీకెవ్వరు సినిమా తో ప్రేక్షకుల ముందుకు వచ్చాడు.
ఆ తర్వాత ఎఫ్2 సినిమాకు సీక్వెల్ గా ఎఫ్3 అనే సినిమాను చేయాలని కథ కూడా సిద్ధం చేసుకున్నాడు. కానీ హీరోలు ఇద్దరు కూడా బిజీగా ఉండడం వల్ల వేరే సినిమా చేయాలనే నిర్ణయానికి వచ్చాడు. తన వద్ద ఉన్న ఒక లేడీ ఓరియంటెడ్ కథను సాయి పల్లవి కి వినిపించగా ఆమె ఫిదా అయిందట వెంటనే నటించేందుకు ఓకే చెప్పడంతో పాటు సమ్మర్ వరకు సినిమా పూర్తి చేసేందుకు సహకారం అందిస్తానని హామీ ఇచ్చిందని సినీ వర్గాల ద్వారా సమాచారం అందుతోంది.
నవంబర్ లేదా డిసెంబర్ లో సాయి పల్లవి హీరోయిన్ గా అనిల్ రావిపూడి దర్శకత్వం లో ఒక లేడి ఓరియంటెడ్ మూవీ సినిమా పట్టాలు ఎక్కబోతోంది. ఆ సినిమా వచ్చే సమ్మర్ ఏప్రిల్ లేదా మేలో ప్రేక్షకుల ముందుకు వచ్చే అవకాశాలు ఉన్నాయి. మరోసారి సాయి పల్లవి ఫిదా చేయడం ఖాయం అంటూ ప్రేక్షకులు నమ్మకంగా సినిమా కోసం ఎదురు చూస్తున్నారు.