పవన్ కళ్యాణ్ నటించిన బద్రి సినిమాతో తెలుగు ఇండస్ట్రీ కి పరిచమైన రేణు దేశాయ్..ఆ సినిమాతోనే పవన్ తో ప్రేమలో పడి, అతడిని పెళ్లి చేసుకుంది. ఆ తర్వాత వారికీ ఇద్దరు పిల్లలు పుట్టిన తర్వాత పవన్ నుండి విడాకులు తీసుకొని పిల్లలు తీసుకొనే పూణే ఉంటుంది. ఈ మధ్యనే తిరిగి హైదరాబాద్ కు వచ్చింది. ప్రస్తుతం సినిమాల్లోకి రీ ఎంట్రీ ఇచ్చేందుకు సిద్దమవుతుంది. ఇదిలా ఉంటె తాజాగా ఈమె సుమ యూట్యూబ్ ఛానల్ కోసం ప్రత్యేక ఇంటర్వ్యూ ఇచ్చింది. ఈ ఇంటర్వ్యూ లో సుమ అడిగిన పలు ప్రశ్నలకు ఆసక్తికరమైన సమాదానాలు తెలిపి ఎమోషనల్ అయ్యింది.
‘బెస్ట్‌ మామ్‌ ఎవర్‌’ అంటూ ఓ టీ కప్పుపై పిల్లలతో దిగిన ఫోటోను వేసి దేశాయ్‌కి గిఫ్ట్‌గా ఇచ్చింది సుమ. అది చూసి ఎమోషనల్ అయింది రేణు. తనకు ఆద్య, అకీరాలే లోకం అని.. వాళ్లే తన సర్వస్వం అని చెప్పింది. తనకంటూ ప్రత్యేకమైన ప్రపంచం అంటూ ఏం లేదని.. పిల్లలే భవిష్యత్తు.. వాళ్లకు మంచి జీవితం ఇవ్వడమే తన ముందున్న ధ్యేయం అని చెప్పుకొచ్చింది. వాళ్లు ఎక్కడికైనా బయటికి వచ్చినపుడు లేదంటే, పవన్ వేడుకల్లో కనిపించినపుడు వాళ్ల పద్దతుల గురించి తనకు ఫోన్ చేసి దర్శకులు, నిర్మాతలు చెప్తుంటారని తెలిపింది. వాళ్లు చాలా పద్దతిగా ఉంటారని.. అందరితోనూ ఈజీగా కలిసిపోతారని చెప్తుంటే ఒక తల్లిగా తనకు చాలా గర్వంగా ఉంటుందని చెప్పింది. తనకు ఈ జీవితానికి ఇంతకంటే ఏం కావాలంటూ కన్నీరు పెట్టుకుంది.