మాస్ మహరాజ్ రవితేజ వరుస సినిమాలతో ఫుల్ బిజీగా ఉన్నాడు. రాజా ది గ్రేట్ తర్వాత ఒక్క హిట్టు పడలేదు కాని రవితేజ మాత్రం సినిమా సినిమాకు గ్యాప్ ఇవ్వకుండా సినిమాలు చేస్తున్నాడు. ప్రస్తుతం గోపిచంద్ మలినేని డైరక్షన్ లో క్రాక్ సినిమా చేస్తున్నాడు రవితేజ. డాన్ శీను, బలుపు సినిమాల తర్వాత గోపిచంద్ తో రవితేజ చేస్తున్న ఈ సినిమాపై భారీ అంచనాలు ఉన్నాయి.
ఈ సినిమా తర్వాత రమేష్ వర్మతో కిలాడి అంటూ ఓ యాక్షన్ ఎంటర్టైనర్ సినిమా ఫిక్స్ చేసుకున్నాడు మాస్ రాజా. ఆ సినిమా తర్వాత నక్కిన త్రినాథ రావు సినిమా కూడా లైన్ లో ఉన్నట్టు తెలుస్తుంది. ఇవన్ని పూర్తయ్యాక సక్సెస్ ఫుల్ డైరక్టర్ మారుతి డైరక్షన్ లో రవితేజ సినిమా ఉంటుందని తెలుస్తుంది. ప్రతిరోజూ పండుగే సినిమా తర్వాత మారుతి మంచి జోష్ లో ఉన్నాడు. కరోనా లాక్ డౌన్ టైంలో రెండు కథల దాకా పూర్తి చేసిన మారుతి అందులో రవితేజ కోసం రాసుకున్న కథ కూడా ఉంటుందట.
మారుతి డైరక్షన్ లో రవితేజ సినిమా కొన్నాళ్లుగా డిస్కషన్స్ లో ఉంది. అయితే ఈ సినిమాలో రవితేజ లాయర్ గా నటిస్తాడని టాక్. ఆల్రెడీ లేటెస్ట్ గా పవర్ స్టార్ పవన్ కళ్యాణ్ మూవీ వకీల్ సాబ్ లో పవన్ లాయర్ గా చేస్తున్నారు. మరి ఇప్పుడు రవితేజ కూడా పవర్ స్టార్ రూట్ లోనే లాయర్ గా నటించడానికి రెడీ అవుతున్నట్టు తెలుస్తుంది. ఈ సినిమా గురించి పూర్తి డీటైల్స్ బయటకు రావాల్సి ఉంది.