యూత్ స్టార్ నితిన్, ‘మహానటి’ కీర్తి సురేష్ జంటగా నటిస్తోన్న రొమాంటిక్ ఫ్యామిలీ డ్రామా ‘రంగ్ దే’. వెంకీ అట్లూరి దర్శకత్వం వహిస్తుండగా..పి.డి.వి. ప్రసాద్ సమర్పణలో సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ సినిమాను నిర్మిస్తున్నారు. సుప్రసిద్ధ ఛాయాగ్రాహకుడు పి.సి.శ్రీరామ్ ఈ చిత్రానికి ఛాయాగ్రహణం వహిస్తున్నారు.
సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ తదితరులు నటిస్తున్నారు. ఈ మధ్యనే షూటింగ్ మొత్తం పూర్తి చేసుకున్న ఈ చిత్రం సంక్రాంతి కానుకగా ప్రేక్షకుల ముందుకు వస్తుందని అంత అనుకున్నారు కానీ ప్రస్తుతం మాత్రం చిత్ర యూనిట్ సినిమాను మార్చి కి పోస్ట్ పోన్ చేసినట్లు తెలుస్తుంది. ప్రస్తుతం థియేటర్లన్నీ తెరుచుకున్నప్పటికీ.. 50 పర్సంట్ ఆక్యుపెన్సీయే కొనసాగుతోంది. ఈ పరిస్థితుల్లో సినిమా రిలీజ్ అంటే రిస్క్ తో కూడుకున్న వ్యవహారమే. ఏదైనా తేడావస్తే.. అంతే సంగతి.. అదే.. వందశాతం ఆక్యుపెన్సీతో ఆట వేస్తే.. టాక్ ఎలా ఉన్నా తొలి వారంలోపు చాలా వరకు వసూళ్లు రాబట్టొచ్చు. ఇదే ఆలోచనతో రంగ్ దే రిలీజ్ సమ్మర్ సీజన్ కు పోస్ట్ పోన్ చేశారట . మార్చి 26 న సినిమాను రిలీజ్ చేస్తే బెటర్ అనే ఆలోచనలో ఉన్నారట. మరి ఫైనల్ గా ఇదే డేట్ ను ఫిక్స్ చేస్తారా లేక మారుస్తారా అనేది చూడాలి.