రకుల్ ప్రీత్ సింగ్ తెలుగులో కెరటం అనే సినిమాతో టాలీవుడ్ కు పరిచయం అయింది. నిజానికి రకుల్ మొదటి చిత్రం గిల్లి. ఈ చిత్రంతో ఆమె సినిమా ఇండస్ష్ట్రి లోకి అడుగు పెట్టింది. ఇది ఓ కన్నడ సినిమా. మొదట్లో రకుల్ కు పెద్దగా సినిమా అవకాశాలు ఏమి రాలేదు. సక్సెస్ లు కూడా అంతంత మాత్రమే. ఇక సినిమా ఇండస్ష్ట్రి నుండి రకుల్ కనుమరుగు అవ్వుతుంది అనుకే సమయంలో లౌక్యం, కరెంట్ తీగ, పండగ చేస్కో, వంటి బ్యాక్ టూ బ్యాక్ హిట్స్ వచ్చాయి. ఇక ఆ తర్వాత రకుల్ ఏకంగా స్టార్ హీరోల సినిమాల్లో ఛాన్స్ లు కొట్టేసింది.
ఇక ఫిట్నెస్ విషయంలో మంచిగా శ్రద్ద చూపించే రకుల్ బాలీవుడ్ పై కన్నెసింది. జీరో సైజ్ లను బాగా ఆదరించే బాలీవుడ్ రకుల్ కు మంచి అవకాశాలు వచ్చాయి. యారియన్ చిత్రంతో అడుగుపెట్టింది. ఆ చిత్రంలో రకుల్ నటనకు మంచి మార్కులు పడటంతో వరస బాలీవుడ్ అవకాశాలు ఆమె తలుపు తట్టాయి. ప్రస్తుతం నాలుగు బాలీవుడ్ చిత్రాలు ఆమె చేతిలో ఉన్నాయి తాజాగా మరో చిత్రంలో నటించే ఛాన్స్ కొట్టేసింది.
ప్రముఖ నిర్మాత రాహుల్ స్కూవాల నిర్మాణంలో ఓ సందేశాత్మక చిత్రం త్వరలో రూపొందనున్నది. ఈ చిత్రం హత్య నేపథ్యంలో ఉండనున్నది. ఇందులో రకుల్ కండోమ్ టెస్టర్ అనే పాత్రలో నటించనున్నదనే వార్తలు వస్తున్నాయి. రకుల్ ఈసారి విభిన్నమైన పాత్రతో రాబోతుంది. నటిగా ఈ చిత్రం తనకు మంచి గుర్తింపు తీసుకువస్తుందని ఆశిస్తుంది. అర్జున్ కపూర్ హీరోగా సర్దార్ కా గ్రాండ్సన్, అజయ్ దేవగన్ థాంక్ గాడ్, జాన్ అబ్రహమ్ అట్టాక్. ఇండియన్ 2 అనే చిత్రంలో రకుల్ నటిస్తుంది.