సూపర్ స్టార్ రజనీకాంత్ డిసెంబర్ 12 న 70 వ పుట్టిన రోజు జరుపుకున్నారు. ఈ సందర్భాంగా ఆయనకు సినీ ప్రముఖులు , అభిమానులు , రాజకీయ నేతలు ఇలా అనేక రంగాలవారు బెస్ట్ విషెష్ ను అందజేశారు. ఇక తమిళనాట అయన అభిమానులు పెద్ద ఎత్తున కేక్ కట్స్ చేయడం తో పాటు పలు సేవ కార్య క్రమాలు చేసి తమ అభిమానాన్ని చాటుకున్నారు. ఇదిలా ఉంటె తాజాగా రజనీకాంత్ ఆకాశంలో కేక్ కట్ చేసి నానా హంగామా చేసాడు.
ప్రస్తుతం రజనీ శివ డైరెక్షన్లో అన్నాత్తై మూవీ చేస్తున్నాడు. ఈ సినిమా షూటింగ్ నిమిత్తం రజినీకాంత్ తన యూనిట్‌తో కలిసి ఆదివారం చెన్నై నుంచి హైదరాబాద్‌ చేరుకున్నారు. ఈ సందర్భంగా విమానం ఆకాశంలో ప్రయాణిస్తున్న సమయంలో రజనీ కేక్ కట్ చేసి చిత్ర యూనిట్ ను ఆనందపరిచాడు. ఈ వేడుకల్లో రజినీ కుమార్తె ఐశ్వర్య ధనుష్, హీరోయిన్ నయనతారతో పాటు యూనిట్ సభ్యులు పాల్గొన్నారు. దీనికి సంబంధించిన వీడియో ప్రస్తుతం వైరల్‌గా మారింది.