పాన్ ఇండియా స్టార్ ప్రభాస్ హీరోగా… పూజా హెగ్డే హీరోయిన్ గా నటించిన రాధే శ్యాం సినిమా గురించి అందరికీ తెలిసిందే. అయితే వింటేజ్ ప్రేమకథతో యూవీ క్రియేషన్ల్ పతాకంపై భారీ బడ్జెట్ తో తెరకెక్కిన ఈ సినిమాను… మార్చి 11న రిలీజ్ చేయబోతున్నట్లు చిత్రబృందం తెలిపింది. అయితే ఈ సినిమాకు సంబంధించి ప్రమోషన్స్ ని కూడా మేకర్స్ షురూ చేశారు. అయితే ఎక్కువ చోట్ల అంటే.. ఎక్కువ థియేటర్లలో ఈ సినిమాను రిలీజ్ చేయబోతున్నట్లు తాజా సమాచారం.
యూఎస్ఏలో అత్యధిక లొకేషన్స్ లో ఈ చిత్రం విడుదల చేయబోతున్నట్లు తెలుస్తోంది. మొత్తం మీద అక్కడ 1116 లొకేషన్లలో… 3116 ప్లస్ స్క్రీన్స్ పై… 11116 ప్లస్ షోలు పడబోతున్నాయట. అయితే యూఎస్ లో ఇంత పెద్ద మొత్తం లొకేషన్లలో విడుదలవుతున్న తొలి సినిమా ఇదే కావడం గమనార్హం. ఇదిలా ఉండగా… ఈ చిత్రానికి జస్టిన్ ప్రభాకరన్ సంగీతం అందించారు.
అయితే 1970ల కాలం నాటి ప్రేమకథతో రూపొందించిన ఈ పాన్ ఇండియా చిత్రంలో హీరో ప్రభాస్ విక్రమాదిత్య అనే హస్తసాముద్రికా నిపుణిడిగా నటించారు. ఆయన ప్రేయసి ప్రేరణగా పూజా హెగ్డే కనిపించనుంది. గోపీకృష్ణ మూవీస్, యూవీ క్రియేషన్స్ సంస్థలు సంయుక్తంగా నిర్మించిన ఈ సినిమాకు రాధాకృష్ణ కుమార్ దర్శకత్వం వహించారు.