బాహుబలి హీరో ప్రభాస్ ప్రస్తుతం కే‌జి‌ఎఫ్ దర్శకుడు ప్రశాంత్ నీల్ డైరెక్షన్ లో “సలార్” అనే చిత్రంలో నటిస్తున్నాడు. ఈ చిత్రం అప్పుడే మొదటి షెడ్యూల్ ను పూర్తి చేసుకునట్లుగా అప్డేట్ కూడా వచ్చేసింది. తెలంగాణలోని గోదావరిఖని ప్రాంతంలో ఈ చిత్రం యొక్క షూటింగ్ జరిగింది. ఈ చిత్రం యొక్క నెక్స్ట్ షెడ్యూల్ పై ఇంకా అధికారిక ప్రకటన రావలిసి ఉంది.
ఈ నేపథ్యంలోనే ప్రభాస్ నటించిన రాధే శ్యామ్ చిత్రం షూటింగ్ పూర్తి చేసుకుంది. రొమాంటిక్ యాక్షన్ డ్రామా గా ఈ చిత్రం రూపొందింది. పూజ హెగ్డే హీరోయిన్ గా నటించింది. ఈ చిత్ర దర్శకుడు రాధా కృష్ణ కుమార్ ఇన్ని రోజులుగా ప్రభాస్, పూజ హెగ్డే ల ఫోటోలను రిలీజ్ చేస్తూ కాలం వెళ్లదిశాడు. సోషల్ మీడియా ద్వారా ప్రభాస్ ఫ్యాన్స్ కూడా రాధా కృష్ణ పై బాగా ఒత్తిడి తీసుకువచ్చారు. ఈ చిత్రం నుండి టీజర్ గాని, ట్రైలర్ గాని రిలీజ్ అప్డేట్ గురించి చెప్పమని కోరడం జరిగింది. ఇక వారి కోరిక మేరకు ఈ చిత్రం యొక్క టీజర్ ను feb 14th లవర్స్ డే రోజున విడుదల చేస్తున్నట్లుగా ప్రకటించాడు.
అదే రోజు సినిమా విడుదల తేదీ పై క్లారీటి కూడా ఇవ్వనున్నాడని ఫ్యాన్స్ భావిస్తున్నారు. చాలా మంది జూన్ లేదా జులై నెలలో వస్తుందని అనుకుంటున్నారు. జులై లో వస్తే మాత్రం ఆ నెలలో పాన్ ఇండియా మూవీ కే‌జి‌ఎఫ్ చిత్రం ఉంది. అల్లు అర్జున్ నటించిన పుష్పా ఆగష్టు 13 న విడుదల అవ్వుతుంది. కావున జులై 30 న విడుదల చేస్తే మంచిదని భావిస్తున్నారు. ఇక జూన్ నెలలో పెద్ద సినిమాలు అంటూ ఏమి లేవు కావున ఆ నెలలో ఏదో ఓ వారం చూసి విడుదల చేసే అవకాశం ఉంది. ఆ నెల కాదని జులై 30 న విడుదల చేస్తే మాత్రం వరుణ్ తేజ్ గని చిత్రానికి కష్టాలు మొదలైనట్లే. వరుణ్ తేజ్ గని చిత్రం జులై 30 న విడుదల అవ్వుతుంది. రాధే శ్యామ్ చిత్రాని యూ‌వి క్రియేషన్స్ బ్యానర్ పై ఉప్పలపాటి ప్రమోదా-ప్రసీదా లు నిర్మించారు.