యంగ్ రెబల్ స్టార్ ప్రభాస్ ప్రస్తుతం కే‌జి‌ఎఫ్ దర్శకుడు ప్రశాంత్ నీల్ దర్శకత్వంలో సలార్ అనే చిత్రాని సెట్స్ పైకి తీసుకెళ్ళాడు. ఇప్పటికే మొదటి షెడ్యూల్ ను పూర్తి చేసుకున్నా ఈ చిత్రం నెక్స్ట్ షెడ్యూల్ కోసం కొంత గ్యాప్ తీసుకుంది. ప్రభాస్ మాత్రం ఏమాత్రం గ్యాప్ లేకుండా సినిమాల సినిమాలు చేస్తున్నాడు. తాజాగా బాలీవుడ్ లో మరో సినిమాను లైన్ లో పెట్టినట్లుగా వార్తలు వస్తున్నాయి. యాక్షన్ చిత్రాల దర్శకుడు మరియు నిర్మాత, మరియు రైటర్ అయిన సిద్దార్థ్ ఆనంద్ దర్శకత్వంలో ప్రభాస్ ఓ సినిమా చేయబోతున్నాడు అంటూ వార్తలు వస్తున్నాయి.
ఆనంద్ ఇటీవలే సిద్దార్థ్, డార్లింగ్ ను కలిసి కథను కూడా చర్చించినట్లుగా బి టౌన్ లో వార్తలు వస్తున్నాయి. ఈ విషయంపై ప్రభాస్ అభిమానులు సంతోషం వ్యక్తం చేస్తున్నారు. యాక్షన్ చిత్రాలకు పెట్టింది పేరు గా నిలిచిన సిద్దార్థ్ మరో యాక్షన్ చిత్రాని రాబోయే రోజుల్లో చేయబోతున్నాడని ఆశిస్తున్నారు. ఇక ఈ చిత్రంలో మరో హీరో కూడా నటించనున్నాడు అని వార్తలు వస్తున్నాయి. బాలీవుడ్ కండల వీరుడు హృతిక్ రోషన్ కూడా నటిస్తాడు అని సమాచారం. త్వరలోనే అధికారిక ప్రకటన వెలువడే అవకాశం ఉంది.
ప్రభాస్ సినిమాల విషయానికి వస్తే రాధే శ్యామ్ చిత్రాని పూర్తి చేశాడు. లవర్స్ డే రోజున ఈ చిత్రం నుండి విడుదలైన టీజర్ ఆకట్టుకుంది. నాగ్ అశ్విన్ తో ఓ సినిమా ఉంది. బాలీవుడ్ దర్శకుడు ఓం రౌత్ దర్శకత్వంలో అధిపురుష్ అనే చిత్రంలో నటించనున్నాడు. ప్రస్తుతం ఈ చిత్రం యొక్క షూటింగ్ జరుగుతుంది. త్వరలోనే ప్రభాస్ సెట్స్ లో సందడి చేయనున్నాడు. ఈ చిత్రంలో ప్రభాస్ రాముడు గా సైఫ్ అలీఖాన్ రావణ్ గా కనిపించనున్నాడు.