బాహుబలి సినిమా తర్వాత ప్రభాస్‌ ఆల్‌ ఇండియా సూపర్‌ స్టార్‌ అయ్యాడు. బాలీవుడ్‌ స్టార్‌ హీరోలు కేవలం ఉత్తర భారతంలో మాత్రమే ప్రభావం చూపించగలరు. చాలా మంది సౌత్‌ హీరోలు వారి వారి భాషల్లో మాత్రమే సత్తా చాటగలరు. ఒక రజినీకాంత్‌ కమల్‌ హాసన్‌ వంటి వారు మాత్రమే మొత్తం ఇండియాలో కూడా సత్తా చాటిన సందర్బాలు ఉన్నాయి.
అయితే రజినీకాంత్‌ ఎప్పుడు కూడా బాలీవుడ్‌ స్టార్స్‌ను బీట్‌ చేసిన దాఖలాలు లేవు. అందుకే ఆయన కంటే ఇప్పుడు యంగ్‌ రెబల్‌ స్టార్‌ స్థాయి పెద్దది అంటూ ఆయన అభిమానులు గొప్పలు చెప్పుకుంటున్నారు. నెట్టింట ప్రస్తుతం ప్రభాస్‌ స్టార్‌డం గురించి కుప్పలు తెప్పలుగా ప్రచారం జరుగుతోంది.
ప్రభాస్‌ ఆదిపురుష్‌ సినిమా ప్రకటించిన తర్వాత ఆయన్ను బాలీవుడ్‌ స్టార్‌ హీరోల కంటే పెద్ద హీరోగా ఫ్యాన్స్‌ పిలుచుకుంటున్నారు. ప్రస్తుతం ప్రభాస్‌ మూడు ప్రాజెక్ట్‌లు లైన్‌లో ఉన్నాయి. 2021 మరియు 22 సంవత్సరాల్లో ఈ మూడు సినిమాలు ప్రేక్షకుల ముందుకు వచ్చే అవకాశం ఉంది.
ఈ మూడు సినిమాల విలువ ఏకంగా వెయ్యి కోట్లు ఉంది. ఒకేసారి మూడు ఇంత భారీ సినిమాలను చేయడం ఏ బాలీవుడ్‌ హీరోకు ఇప్పటి వకు సాధ్యం కాలేదు. భవిష్యత్తులో కూడా సాధ్యం కాకపోవచ్చు అంటున్నారు. ఆయన ఒక గొప్ప సూపర్‌ స్టార్‌ గా పిలుస్తున్నాం అంటే ఇదే కారణం అంటూ ప్రభాస్‌ ఫ్యాన్స్‌ ట్విట్టర్‌ లో ట్రెండ్‌ చేస్తున్నారు.
ప్రభాస్‌ రాధేశ్యామ్‌ సినిమాను వచ్చే ఏడాది ఆరంభంలోనే పూర్తి చేసి తదుపరి చిత్రంను మొదలు పెట్టబోతున్నాడు. మహానటి చిత్రంతో విమర్శకుల ప్రశంసలు దక్కించుకున్న నాగ్‌ అశ్విన్‌ తో ప్రభాస్‌ మూవీ విషయంలో అనేక చర్చ జరుగుతోంది. దీపిక పదుకునే హీరోయిన్‌గా నటించబోతున్న ఈ సినిమా వచ్చే ఏడాది ఆరంభంలో సినిమా పట్టాలెక్కే అవకాశం ఉంది.
ఇదే సమయంలో బాలీవుడ్‌ స్టార్‌ డైరెక్టర్‌ ఓం రౌత్‌ దర్శకత్వంలో ఆదిపురుష్‌ చేసేందుకు ప్రభాస్‌ రెడీ అవుతున్నాడు. రికార్డు స్థాయి బడ్జెట్స్‌ తో ఈ మూడు సినిమాలు తెరకెక్కుతున్నాయి. ఈ మూడు సినిమాల బడ్జెట్‌ వెయ్యి కోట్లకు మించి ఉండటంతో ఆయన వైపే బాలీవుడ్‌ సినీ వర్గాల వారు కూడా చూస్తున్నారు. ఈ మూడు సినిమాలు 2500 నుండి 3000 కోట్ల రూపాయల వసూళ్లను రాబట్టే అవకాశం ఉందని ఫ్యాన్స్‌ బలంగా నమ్ముతున్నారు.