ప్రభాస్ ..ఈ పేరు చెపితే యావత్ దేశం ఉగిపోతుంది. బాహుబలి ముందు వరకు ప్రభాస్ అంటే కేవలం తెలుగు రాష్ట్రాలకు మాత్రమే పరిమితం..కానీ బాహుబలి తర్వాత ప్రభాస్ క్రేజ్ భారీగా పెరిగింది. తెలుగులో ప్రభా్‌సకు ఎంతమంది అభిమానులు ఉన్నారో అంతకుమించి.. అనే రీతిలో ఉత్తరాదిన ఆయన ఫ్యాన్స్‌ ఉన్నారు. ‘సాహో’ సినిమా తెలుగు ప్రేక్షకులను అంతగా ఆకట్టుకోలేదు కానీ ఉత్తరాది ఆడియన్స్‌కు తెగ నచ్చేసింది. ఈ సినిమా తర్వాత వరుస గా పాన్ ఇండియా మూవీస్ ను మాత్రమే ఒప్పుకుంటున్నాడు. ప్రస్తుతం ఈయన చేతిలో మూడు భారీ బడ్జెట్ చిత్రాలు ఉన్నాయి.
ప్రభాస్, పూజా హెగ్టే జంటగా రూపుదిద్దుకొంటున్న పీరియాడిక్‌ రొమాంటిక్‌ డ్రామా చిత్రం ‘రాధేశ్యామ్‌’. ఈ మూవీ ని దాదాపు రూ. 250 కోట్ల బడ్జెట్ తో నిర్మిస్తున్నారు. ఈ సినిమాలో విక్రమాదిత్య పాత్రను ప్రభాస్ పోషిస్తున్నారు. అలాగే పూజా మ్యూజిక్‌ టీచర్‌గా నటిస్తున్నారు. రాధాకృష్ణకుమార్‌ ఈ చిత్రానికి దర్శకుడు. ప్రస్తుతం ప్రభాస్ ఈ చిత్రం షూటింగ్‌లోనే బిజీగా ఉన్నారు. తెలుగు సహా తమిళ, మలయాళ, హిందీ భాషల్లో ‘రాధేశ్యామ్‌’ విడుదలవుతుంది.
ఈ మూవీ సెట్స్ ఫై ఉండగానే ‘ఆదిపురుష్‌’ సినిమాను ప్రకటించారు. ఈ సినిమాలో ప్రభాస్ శ్రీరాముడి పాత్రను పోషిస్తున్నాడు. దీనిని రూ. 450 కోట్ల బడ్జెట్‌తో నిర్మిస్తున్నారు. 2022 ఆగస్టు 11న ‘ఆదిపురుష్‌’ విడుదలవుతుంది. ఈ సినిమా తో పాటు నాగ్‌అశ్విన్ డైరెక్షన్లో సైన్స్‌ ఫిక్షన్ సినిమా చేయబోతున్నాడు. దీనిని రూ. 300 కోట్ల బడ్జెట్‌తో రూపుదిద్దుకోనుందని సమాచారం. ఈ చిత్రంలో ప్రభాస్ సరసన దీపికా పదుకోన్‌ కథానాయికగా నటిస్తారు. ఇలా ఈ మూడు చిత్రాలకు గాను నిర్మాతలు వెయ్యి కోట్లు పెట్టుబడి పెడుతున్నారు. భారీతనానికి నిర్వచనం ఇస్తూ రూపుదిద్దుకొంటున్న ఆ మూడు సినిమాల మీదే అందరి దృష్టీ ఉంది.