టాలీవుడ్ పవర్ స్టార్ పవన్ కళ్యాణ్ దిల్ రాజ్ నిర్మాణంలో వకీల్ సాబ్ చిత్రాన్ని పూర్తి చేసుకున్నాడు. ఈ చిత్రం నుండి విడుదలైన టిజర్ కు మంచి రెస్పాన్స్ వచ్చింది. ఈ చిత్రంలో పవన్ తో శృతి హాసన్ రొమాన్స్ చేసింది. అంజలి, నివేత థామస్ లు కీలక పాత్రలో నటించారు. ప్రకాష్ రాజ్ మరో కీలక పాత్రలో నటించాడు. ఈ చిత్రం ను ఈ సమ్మర్ లో విడుదల చేసే అవకాశం ఉంది.
ఈ చిత్రం పూర్తి అయిన వెంటనే మలయాళం మూవీ అయ్యపనుమ్ కొషియమ్ రీమేక్ లో నటిస్తున్నాడు. ఈ చిత్రానికి సాగర్ చంద్ర దర్శకత్వం వహిస్తున్నాడు. మరో కీలక పాత్రలో రానా నటిస్తున్నాడు. ఈ చిత్రం యొక్క షూటింగ్ జనవరి 26 నుండి మొదలు పెట్టారు. ప్రస్తుతం పవన్, రానా లపై యాక్షన్ సీక్వెన్స్ తీస్తున్నట్లుగా వార్తలు వస్తున్నాయి. అయితే ఈ చిత్రం యొక్క విడుదల పై చిత్ర బృందం క్లారీటి ఇచ్చింది. వినాయక చతుర్థి ని పురస్కరించుకొని సెప్టెంబర్ 10 న శుక్రవారం విడుదల అవ్వుతుందని ప్రకటించింది.
ఈ చిత్రంలో ఓ కథానాయక గా సాయి పల్లవి నటిస్తుంది. మరో కథానాయక ఎవరు నటిస్తారు అనే విషయం పై ఇంకా చిత్ర బృందం ఎలాంటి అప్డేట్ ఇవ్వలేదు. త్వరలో ప్రకటించే అవకాశం ఉంది. ఈ చిత్రానికి థమన్ సంగీతం అందిస్తున్నాడు. మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే, డైలాగ్ లు అందిస్తున్నాడు. ఈ నేపథ్యంలోనే పవన్ మరో రెండు చిత్రాలు లైన్లో ఉన్నాయి. క్రిష్ డైరెక్షన్ లో ఆల్రెడీ ఓ సినిమా సెట్ పైన ఉంది. ఈ రెండు చిత్రాలు పూర్తి అయిన వెంటనే హరీష్ శంకర్ తో ఓ చిత్రాని సెట్ పైకి తీసుకెళ్లనున్నాడు.