పవన్ కళ్యాణ్ ఓ వైపు రాజకీయంగ చాలా బిజీగా ఉంటూనే తీరిక సమయం దొరికినప్పుడల తాను ఒప్పుకున్న సినిమాలను పూర్తి చేస్తున్నాడు. ఏ‌పి లో టి‌డి‌పి జనసేన పార్టీలు అధికార వై‌ఎస్‌ఆర్‌సి‌పి పార్టీకి ధీటుగా సర్పంచ్ పదవులను దక్కించుకుంటున్నాయి. పవన్ కళ్యాణ్ సినిమాల విషయానికి వస్తే దిల్ రాజ్ నిర్మాణంలో వకీల్ సాబ్ అనే చిత్రాని పూర్తి చేశాడు.
ఈ చిత్రానికి వేణు శ్రీ రామ్ దర్శకత్వం వహించాడు. ఇప్పటికే ఫస్ట్ లుక్, టీజర్ లతో సంచలనం సృష్టించింది. ఏప్రిల్ 9 న ఈ చిత్రం విడుదల అవ్వుతుంది. ఈ నేపథ్యంలోనే మలయాళం మూవీ అయ్యపనుమ్ కొషియమ్ ను తెలుగులో సాగర్ చంద్ర రీమేక్ చేస్తున్నాడు. మాటల మాంత్రికుడు ఈ చిత్రానికి స్క్రీన్ ప్లే మరియు మాటలు అందిస్తున్నాడు. ఈ చిత్రంకోసం త్రివిక్రమ్ పెద్ద పెద్ద డైలాగ్ లను రాసినట్లుగా తెలుస్తుంది. ఈ చిత్రంలో మరో పాత్రలో రానా నటిస్తున్నాడు.
ఈ క్రమంలోనే క్రిష్ తో కలిసి పవన్ కళ్యాణ్ ఓ పీరియాడికల్ మూవీలో నటిస్తున్నాడు. ఈ చిత్రానికి “హరి హర విరమల్లు” అనే టైటిల్ ప్రచారంలో ఉంది. తాజా సమాచారం మేరకు ఈ చిత్రం యొక్క పవన్ కళ్యాణ్ ఫస్ట్ లుక్ ను మరియు చిత్ర టైటిల్ ను శివరాత్రి పండుగను పురస్కరించుకొని విడుదల చేయబోతున్నట్లుగా వార్తలు వస్తున్నాయి. దర్శకుడు క్రిష్ నుండి అధికారిక ప్రకటన వచ్చే అవకాశం ఉందని చిత్ర బృందం నుండి అందుతున్న సమాచారం.
క్రిష్ తో సినిమా పూర్తి అయిన వెంటనే హరీష్ శంకర్ తో ఓ సినిమా చెయ్యాలిసి ఉంది. ప్రస్తుతం హరీష్ శంకర్ స్క్రిప్ట్ వర్క్ పనిలో తలమునకలై ఉన్నాడు. తన మిత్రుడు బండ్ల గణేశ్ నిర్మాణంలో ఓ సినిమా లో నటించాలిసి ఉంది.