పవన్ కళ్యాణ్ సినిమాలోకి రీ ఎంట్రీ ఇచ్చిన తర్వాత ఆయన నటించిన చిత్రం వకీల్ సాబ్. ఈ చిత్రానికి శ్రీరామ్ వేణు దర్శకత్వం వహించాడు. బాలీవుడ్ పింక్ చిత్రానికి రీమేక్ గా వకీల్ సాబ్ రూపొందింది. ఈ చిత్రంలో శృతి హాసన్ హీరోయిన్ గా నటించింది. అంజలి, నివేత థామస్, అనన్య నాగళ్ళ లు ముఖ్య పాత్రలో నటించగా, ప్రకాష్ రాజ్ కీలక పాత్రలో నటించాడు.
తాజాగా ఈ చిత్రం నుండి విడుదలైన ట్రైలర్ కు ప్రేక్షకులనుండి విపరీతమైన స్పందన వస్తుంది. ఇప్పటికే 13 మిలియన్ వ్యూస్ ను రాబట్టింది. ఈ చిత్రం ఏప్రిల్ 9వ తేదీన విడుదల అవ్వబోతుంది. ఈ చిత్రం తర్వాత పవన్ కళ్యాణ్ మరో చిత్రాని సెట్స్ పైకి తీసుకెళ్లిన సంగతి తెలిసిందే. మలయాళం మూవీ అయ్యపనుమ్ కొషియమ్ ను తెలుగులో రీమేక్ చేస్తున్నారు. ఈ చిత్రానికి సాగర్ చంద్ర దర్శకత్వం వహిస్తున్నాడు. మాటల మాంత్రికుడు త్రివిక్రమ్ శ్రీనివాస్ స్క్రీన్ ప్లే మరియు డైలాగులు రాస్తున్నాడు. ఇప్పటికే ఈ చిత్రం యొక్క షూటింగ్ మొదలు అయ్యింది.
తాజాగా పవన్ కళ్యాణ్ త్రివిక్రమ్ శ్రీనివాస్ ను కలిసి వకీల్ సాబ్ చిత్రం రిలీజ్ అయ్యేలోపు ఈ చిత్రం యొక్క టైటిల్ ను ప్రకటించాలిసిందిగా కోరడం జరిగిందని సమాచారం. త్రివిక్రమ్ మరియు సాగర్ చంద్ర లు ఈ చిత్రం కోసం 7 కొత్త టైటిల్స్ ను సెలెక్ట్ చేశారు అంట. అందులో నుండి ఓ పవర్ ఫుల్ టైటిల్ ను సెలెక్ట్ చేసి ప్రకటించే అవకాశం ఉంది. ఈ చిత్రంలో రానా మరో ప్రధాన పాత్రలో నటిస్తున్నాడు. సాయి పల్లవి పవన్ కళ్యాణ్ కు భార్యగా నటిస్తుందని సమాచారం. ఈ చిత్రానికి థమన్ సంగీతం అందిస్తున్నాడు. మే 11 వ తేదీన ఈ చిత్రం విడుదల అవ్వుతుంది.