తెలుగు బిగ్‌ బాస్‌ 4 మొదటి వారం మొత్తం కూడా కట్టప్ప కాన్సెప్ట్‌ తో నడిచింది. మీ 14 మందిలో ఒక కట్టప్ప ఉన్నారు. ఆ కట్టప్ప మీ అందరిని వెన్ను పోటు పొడుస్తున్నాడు అంటూ బిగ్‌బాస్‌ హెచ్చరిస్తూ వస్తున్నాడు. కనుక ప్రతి ఒక్కరు జాగ్రత్తగా ఉండాలంటూ సూచిస్తూనే ఉన్నాడు. బిగ్‌బాస్‌ హెచ్చరికలతో కంటెస్టెంట్స్‌ ఎంతో జాగ్రత్తగా ఉన్నారు. కొన్ని కొన్ని సార్లు మరీ అధికంగా ఆలోచించారు. పక్కన వారిని కూడా నమ్మకుండా ఇన్ని రోజులు గడిపారు. ప్రేక్షకులు కూడా నిజంగానే ఎవరైనా కట్టప్ప ఉన్నారా అంటూ అనుమానించాల్సి వచ్చింది.
బిగ్‌బాస్‌ లో ఇప్పటి వరకు సీక్రెట్‌ టాస్క్‌ లు ఇస్తే అది ప్రేక్షకులకు తెలిసేలా చేసేవారు. కాని కట్టప్ప టాస్క్‌ ను ప్రేక్షకులకు కూడా చెప్పకుండా సస్పెన్స్‌ లో ఉంచారా అంటూ చాలా మంది అనుకున్నారు. నిన్నటి ఎపిసోడ్‌ లో కట్టప్ప విషయమై క్లారిటీ ఇచ్చేశారు. గత అయిదు రోజులుగా కట్టప్ప కట్టప్ప అంటూ నానా రచ్చ చేసి పాయింట్లు కట్‌ చేసి ఇతర విషయాల్లో అందరిని ఇబ్బంది పెట్టి చివరకు కట్టప్ప ఎవరు లేరు. మీ అనుమానమే కట్టప్ప అంటూ నాగార్జున ప్రకటించాడు.
నాగ్‌ ప్రకటనతో అంతా కూడా పెదవి విరుస్తున్నారు. ఎంతో ఊహించుకుంటే మరీ ఇంతలా నీరు గార్చారు ఏంటీ బిగ్‌బాస్‌ అంటూ నెటిజన్స్‌ కామెంట్స్‌ చేస్తున్నారు. ఇప్పటికే బిబి 4లో చాలా తప్పులు ఉన్నాయి. వాటిని తోడు ఇప్పుడు ఇదో పెంటన అంటూ నెటిజన్స్‌ విసుర్లు గుప్పిస్తున్నారు. మరీ ఇంత దారుణంగా ప్రేక్షకులను చీటింగ్‌ చేయడం సరిగా లేదు అంటూ నెటిజన్స్‌ బిగ్‌బాస్‌ హ్యాష్‌ ట్యాగ్‌ తో కామెంట్స్‌ చేస్తున్నారు. కంటెస్టెంట్స్‌ ను మరియు ప్రేక్షకులను కూడా మొదటి వారంలోనే బకరాలను చేశారుగా అంటున్నారు.
నాగార్జున కూడా ఈ విషయంలో చాలా సింపుల్‌గా తీసేశారు. అందరు అనుకుంటున్న లాస్యను ఏకంగా కెప్టెన్‌ చేయడం జరిగింది. తెలుగు బిగ్‌బాస్‌ సీజన్‌ 4 మొదటి కెప్టెన్‌ గా లాస్య ఎంపిక అయ్యింది. ఆమె వారం పాటు కెప్టెన్‌ గా కొనసాగబోతుంది. ఇక ఈ వారం ఎలిమినేషన్‌ కు నామినేట్‌ అయిన మొత్తం ఏడుగురులో నుండి ముగ్గురు అభిజిత్‌, సుజాత, గంగవ్వలను సేవ్‌ చేశారు. నేటి ఎపిసోడ్‌ లో ఎలిమినేట్‌ అయ్యది ఎవరు క్లారిటీ రానుంది.