లవర్ బోయ్ నితిన్ (Nitin) ఎమ్మెస్ రాజ్శేఖర్ రెడ్డి డైరక్షన్ లో మాచర్ల నియోజకవర్గం సినిమా చేస్తున్నాడు. ఈ సినిమాలో ఉప్పెన భామ కృతి శెట్టి హీరోయిన్ గా నటిస్తుంది. పొలిటికల్ బ్యాక్ డ్రాప్ తో వస్తున్న ఈ సినిమా నితిన్ మార్క్ ఎంటర్టైనర్ గా వస్తుందని తెలుస్తుంది. ఇక ఈ సినిమా తర్వాత రైటర్ కం డైరక్టర్ వక్కంతం వంశీ డైరక్షన్ లో నితిన్ సినిమా చేస్తున్నట్టు తెలుస్తుంది. ఈ సినిమా కథ మాస్ ఎంటర్టైనర్ గా ఉంటుందని టాక్.
సురేందర్ రెడ్డి డైరక్షన్ లో వచ్చిన కిక్, రేసుగుర్రం సినిమాలకు కథ అందించిన వక్కంతం వంశీ నితిన్ తో చేసే సినిమా కూడా అలాంటి తరహాలోనే మాస్ ఎంటర్టైనర్ గా చేస్తున్నట్టు టాక్. కెరియర్ లో ఒకప్పుడు మాస్ కథలతో ఆ ఇమేజ్ కోసం ప్రయత్నించిన నితిన్ తనని ఆడియెన్స్ లవర్ బోయ్ గానే యాక్సెప్ట్ చేస్తున్నారని తెలుసుకుని వరుసగా అలాంటి సినిమాలు చేస్తూ వచ్చాడు. ఇప్పుడు మళ్లీ మాస్ అటెంప్ట్ చేస్తున్నాడు నితిన్.
మరి వక్కంతం వంశీ, నితిన్ కాంబినేషన్ లో వస్తున్న ఈ యాక్షన్ ఎంటర్టైనర్ ఎలాంటి ఫలితాన్ని అందుకుంటుందో చూడాలి. నా పేరు సూర్యతో డైరక్టర్ గా మారిన వక్కంతం వంశీ తన సెకండ్ సినిమా కోసం చాలామంది హీరోలని కలిశాడు. ఫైనల్ గా నితిన్ (Nitin) తో సినిమా ఫిక్స్ చేసుకున్నాడు.