పవర్ స్టార్ పవన్ కళ్యాణ్ ..వకీల్ సాబ్ చిత్రం తో రీ ఎంట్రీ ఇవ్వబోతున్న సంగతి తెలిసిందే. ఈ సినిమా సెట్స్ ఫై ఉండగానే మరో మూడు సినిమాలను ప్రకటించి అభిమానుల్లో ఆనందం నింపారు. వాటిలో ఒకటి క్రిష్ డైరెక్షన్లో చేస్తున్న ఓ సినిమా. ఈ చిత్రాన్ని క్రిష్ చారిత్రక నేపథ్యంలో తెరకెక్కిస్తున్నాడు. కోహినూర్ వజ్రం నాటి కథతో వస్తున్న ఈ చిత్రంలో పవన్ బందిపోటుగా నటిస్తున్నట్లు ప్రచారం జరుగుతుంది. ఈ సినిమాను క్రిష్ పాన్ ఇండియా లెవల్లో భారీ ఎత్తున చిత్రీకరిస్తున్నాడు.
పవన్ ఈ చిత్రంలో రాబిన్ హుడ్ తరహా పాత్రలో కనిపిస్తాడని సమాచారం. ఈ మూవీ మెగా సూర్య ప్రొడక్షన్‌ బ్యానర్‌పై ఏఎం రత్నం భారీ బడ్జెట్ తో నిర్మిస్తున్నారు. ఈ సినిమా కోసం హాలీవుడ్ నిపుణులు రంగంలోకి దిగబోతున్నట్లు తెలుస్తోంది. ఇక ఇదిలా ఉంటె ఈ మూవీ లో హీరోయిన్ గా ఇస్మార్ట్ బ్యూటీ నిధి అగర్వాల్ ను ఎంపిక చేశారనే వార్తలు ఫిలిం సర్కిల్లో వార్తలు వినిపిస్తున్నాయి. మేకర్స్ దృష్టిలో పవన్ సరసన ఈమె అయితేనే కరెక్ట్ అని మెయిన్ ఫిమేల్ లీడ్ కు నిధిని ఫిక్స్ చేసినట్టు తెలుస్తుంది. మరి దీనిపై మరింత క్లారిటీ రావాల్సి ఉంది.