విలన్‌గా, కమెడియన్‌గా, క్యారెక్టర్ ఆర్టిస్టుగా తనదైన వేసిన సీనియర్ నటుడు నర్సింగ్ యాదవ్ (52 ఏళ్లు ) డిసెంబర్ 31 న కన్నుమూశారు. కిడ్నీ సంబంధిత వ్యాధితో సోమాజీగూడ యశోద హాస్పిటల్‌లో చేరిన నర్సింగ్ యాదవ్.. అక్కడ చికిత్స పొందుతూ గురువారం రాత్రి తుదిశ్వాస విడిచారు.
గత ఏడాది కాలంగా కిడ్నీ సమస్యతో బాధపడుతూ సోమాజీగూడ యశోద హాస్పిటల్‌లో డయాలసిస్ చేయించుకుంటున్నాడు. ఈ ఏడాది ఏప్రిల్ 9న నర్సింగ్ అపస్మారక స్థితిలోకి వెళ్లిపోయారు. అప్పటి నుంచీ ఆయన కోమాలోనే ఉన్నట్టు సమాచారం. తెలుగు, తమిళ, హిందీ భాషల్లో నటించిన నర్సింగ్ యాదవ్.. 300లకు పైగా చిత్రాల్లో నటించి మెప్పించారు.. ఆయన స్వస్థలం హైదరాబాద్‌.. 1963 మే 15న హైదరాబాద్‌లో రాజయ్య, లక్ష్మీ నరసమ్మ దంపతులకు జన్మించాడు. ఆయన అసలుపేరు మైలా నర‌సింహ యాదవ్… ఇండ‌స్ట్రీలో అంద‌రూ నర్సింగ్ యాదవ్ అని పిలుస్తారు. ఆయ‌న‌కు భార్య చిత్ర, కొడుకు రిత్విక్ యాదవ్ ఉన్నారు.