నాచురల్ స్టార్‌ నాని సొంతంగా ఎలాంటి బ్యాక్ గ్రౌండ్ లేకుండా ఇండస్ట్రీకి వచ్చి, తన టాలెంట్‌ తో నిలదొక్కుకున్న హీరో. మన టాలీవుడ్‌ లో ఉన్న అతి తక్కువ మంది ఫైనెస్ట్ నటుల్లో నాని ఒకడు. తన మూవీల్లో అత్యంత సహజమైన నటనను కనబరుస్తూ ఆకట్టుకూనే యాక్టర్‌ నాని. ఈరోజు నాని బర్త్ డే కావడంతో.. చాలా మంది సినీ ప్రముఖులు నానికి విషెస్‌ చెబుతున్నారు. నాని పుట్టిన రోజు సందర్భంగా.. ‘అంటే సుందరానికి’ మూవీ నుంచి ఒక ఫన్నీ గ్లింప్స్‌ వచ్చి ఆకట్టుకుంది.
‘అంటే సుందరానికి’ మూవీలో నాని పాత్ర మంచి ఇంట్రెస్టింగ్‌ గా ఉంటుందనే చెప్పాలి. తన గత హిట్‌ చిత్రం ‘శ్యామ్ సింగరాయ్‌’ కి దీనికి చాలా మార్పు ఉంది. దీనితో ఆ సినిమా దర్శకుడు రాహుల్ సంకృత్యాన్ నాని పై చేసిన కామెంట్స్‌ ఇప్పుడు తెగ వైరల్‌ అవుతున్నాయి. అంటే సుందరానికి బర్త్ డే గిఫ్ట్‌ లో నాని మేకోవర్‌ పై మాట్లాడుతూ నాని ఎక్కడి నుంచి ఎక్కడికైనా వెళ్లగలడు అని గౌరవంతో రాహుల్ ఒక ట్వీట్‌ చేశాడు.
నాని టాలెంట్‌ ను పొగుడుతూ రాహుల్ సంకృత్యాన్ చేసిన ఈ ట్వీట్‌ నాని అభిమానులను విశేషంగా ఆకట్టుకుంది. నాచురల్ స్టార్‌ నాని ప్రతిభ అంటే అదే మరి అంటూ నాని అభిమానులు కామెంట్లు పెడుతున్నారు. బ్యాక్ గ్రౌండ్ లేకుండా ఇండస్ట్రీకి వచ్చి తన నటనతో ఎందరో అభిమానులను సొంతం చేసుకున్నాడు నాని అంటూ మరింత ఆనందం వ్యక్తం చేస్తున్నారు.