న్యాచురల్ స్టార్ నాని టాలీవుడ్ లో ఎవరి సపోర్ట్ లేకుండా వచ్చి స్టార్ హీరోగా మారిపోయాడు. మొదట అసిస్టెంట్ డైరెక్టర్ గా కెరీర్ ను ప్రారంభించి హీరోగా ఎదిగాడు. ప్రస్తుతం నాని వరస సినిమాలు చేస్తూ ఫుల్ బిజీగా ఉంటున్నాడు. ఫిల్మ్ నగర్ సర్కిల్ నుండి అందుతున్న సమాచారం మేరకు ఆయన తన రెమ్యూనరేషన్ ను పెంచినట్లుగా తెలుస్తుంది.
ప్రస్తుతం తాను నటిస్తున్న సినిమాలకు ఒక్కో సినిమాకు వచ్చేసి 15 కోట్ల వరకు తీసుకుంటునట్లుగా తెలుస్తుంది. రెమ్యూనరేషన్ విషయంలో వెనక్కి తగ్గేది లేదని నాని నిర్మాతల దగ్గర గట్టిగానే చెబుతున్నట్లుగా సమాచారం. కరోనా కారణంగా ఇన్ని రోజులు థియేటర్స్ మూత పడ్డాయి. ఇప్పుడిప్పుడే 100 శాతం ఆక్యుపెన్సీ తో ఓపెన్ అవుతున్నాయి. ఈ సందర్భంలో చాలా మంది హీరోలు రెమ్యూనరేషన్స్ పెంచుతున్నట్లుగా తెలుస్తుంది.
నాని సినిమాల విషయానికి వస్తే ప్రస్తుతం ఓ రెండు చిత్రాలు లైన్ లో ఉన్నాయి. అందులో టాక్సీవాల దర్శకుడు రాహుల్ సాంకృత్యాన్ దర్శకత్వంలో శ్యామ్ సింగరాయ్ అనే చిత్రంలో నటిస్తున్నాడు. పీరియాడికల్ నేపథ్యం కలిగిన చిత్రంగా రూపొందుతుంది. సాయి పల్లవి, మడోనా సెబాస్టియన్, కృతి శెట్టి హీరోయిన్స్ గా నటిస్తున్నారు. ఈ చిత్రం యొక్క షూటింగ్ కలకత్తా లో జరుగుతుంది. ఈ క్రమంలోనే మరో చిత్రంలో నటించనున్నాడు.
మెంటల్ మదిలో, నన్ను బ్రోచేవారెవరురా చిత్రాలను తీసిన వివేక్ ఆత్రేయ దర్శకత్వంలో అంటే సుందరానికి అనే చిత్రంలో నటిస్తున్నాడు. నజ్రియ నజీమ్ హీరోయిన్ గా నటించనున్నది. చిత్రాని మైత్రి మూవీ మేకర్స్ నిర్మించనున్నారు. నిన్నుకోరి ఫేమ్ శివ నిర్వాణ దర్శకత్వంలో టక్ జగదీష్ అనే చిత్రంలో నటించాడు. రీతూ వర్మ, ఐశ్వర్య రాజేశ్ లు నటించారు. జగపతి బాబు కీలక పాత్రలో నటించాడు. ఈ చిత్రం ఏప్రిల్ 16న విడుదల అవ్వుతుంది.