నాచురల్ స్టార్ నాని శ్యాం సింగ రాయ్ హిట్ తో మళ్లీ తిరిగి ఫాం లోకి వచ్చాడు. హిట్టు కొడుతున్నా అని చెప్పి మరి శ్యామ్ సింగ రాయ్ తో నాని సర్ ప్రైజ్ చేశాడు. రహుల్ సంకృత్యన్ డైరక్షన్ లో తెరకెక్కిన శ్యాం సింగ రాయ్ సినిమాలో సాయి పల్లవి, కృతి శెట్టి హీరోయిన్స్ గా నటించారు. సినిమా కథ, కథనాలే కాదు మిక్కీ జే మేయర్ అందించిన మ్యూజిక్ కూడా సినిమాకు ప్లస్ అయ్యింది. ఇక ఈ సినిమా తర్వాత నాని వివేక్ ఆత్రేయ డైరక్షన్ లో వస్తున్న అంటే సుందరానికీ సినిమా చేస్తున్నాడు నాని. కామెడీ ఎంటర్టైనర్ గా రాబోతున్న ఈ సినిమాలో నాని సరసన నజ్రియా నటిస్తుంది.
ఇక ఈ మూవీ తర్వాత నాని శ్రీకాంత్ ఓదెల డైరక్షన్ లో దసరా సినిమా చేస్తున్నాడు. తెలంగాణా బ్యాక్ డ్రాప్ లో పీరియాడికల్ మూవీగా కోల్ మైన్ కాన్సెప్ట్ తో ఈ సినిమా వస్తుంది. సినిమాలో నాని సరసన కీర్తి సురేష్ హీరోయిన్ గా నటిస్తుంది. త్వరలో సెట్స్ మీదకు వెళ్లనున్న ఈ సినిమా గురించి ఓ న్యూస్ బయటకు వచ్చింది. ఈ సినిమాలో నాని నెగటివ్ రోల్ తో కనిపిస్తాడని టాక్. నాని ఇప్పటికే జెంటిల్మెన్, వి సినిమాల్లో నెగటివ్ టచ్ ఉన్న పాత్రల్లో కనిపించి అలరించాడు.
దసరా సినిమా కోసం మరోసారి నాని విలనిజం చూపిస్తాడని అంటున్నారు. నాని కి ఈ సినిమా మరో సెన్సేషనల్ అవుతుందని అంటున్నారు. శ్యాం సింగ రాయ్ హిట్ ఇచ్చిన కిక్ తో తన ప్రతి సినిమా సౌత్ అన్ని భాషల్లో రిలీజ్ చేయాలని చూస్తున్నాడు నాని. మరి నాని చేస్తున్న ఈ సినిమాల ఫలితాలు ఎలా ఉంటాయో చూడాలి.