ఉప్పెన దెబ్బకు బాక్స్ ఆఫీస్ లు మొత్తం షేక్ అవ్వుతున్నాయి. ఈ చిత్రానికి సుకుమార్ శిష్యుడు బుచ్చి బాబు సన దర్శకత్వం వహించాడు. ఈ చిత్రం తో మెగా హీరో పంజా వైష్ణవ్ తేజ్, కృతి శెట్టి హీరోయిన్ గా పరిచయం అయింది. లవ్ స్టోరీ నేపథ్యంలో తెరకెక్కిన ఈ చిత్రం ఈ నెల 12న విడుదల అయింది మొదటి షో నుండి ఈ చిత్రానికి పాజిటివ్ టాక్ రావడంతో బాక్స్ ఆఫీస్ వద్ద కాసుల వర్షం కురిపిస్తుంది.
తమిళ నటుడు విజయ్ సేతుపతి కీలక పాత్రలో నటించాడు. ఈ చిత్రంపై టాలీవుడ్ హీరో ప్రిన్స్ మహేశ్ బాబు ట్విట్టర్ ద్వారా ఉప్పెన టీమ్ పై ప్రశంసలు కురిపించాడు. బుచ్చి బాబు ఈ మూవీ గురించి ఒక్క మాటలో చెప్పాలి అంటే ఇది ఒక్క క్లాసిక్ మూవీ… కాలంతో గుర్తుండిపోయే చిత్రాని రూపొందించావు.. చాలా గర్వంగా ఉందని మహేష్ ట్వీట్ చేశాడు… అలాగే ఈ చిత్రంలో నటించిన న్యూ కమర్స్ కృతి శెట్టి, వైష్ణవ్ తేజ్ లపై అలాగే సుకుమార్, మైత్రి మూవీ మేకర్స్ లపై మహేష్ తనదైన స్టైల్ లో పొగడ్తల వర్షం కురిపించాడు.
ఈ చిత్రంలో హీరోయిన్ గా నటించిన కృతి శెట్టి మహేష్ ట్వీట్ కు సమాదానంగా… ఓ మై గాడ్ అంటూ మీకు చాలా ధన్యవాదములు… మేము పడ్డ కష్టానికి ప్రతి ఫలం వచ్చింది సూపర్ స్టార్ లాంటి స్టార్ మీరు మమ్ములను స్టార్స్ అనడం చాలా సంతోషం గా ఉంది అంటూ ట్వీట్ చేసింది. ఉప్పెన చిత్రాని సుకుమార్ రైటింగ్స్ , మైత్రి మూవీ మేకర్స్ సంస్థలపై సుకుమార్, నవీన్ వై, రవి శంకర్ వై లు నిర్మించారు. ఈ చిత్రానికి దేవి శ్రీ ప్రసాద్ సంగీతం అందించాడు.