సూపర్‌ స్టార్‌ మహేష్‌ బాబు హీరోగా కీర్తి సురేష్‌ హీరోయిన్ గా గీత గోవిందం దర్శకుడు పరశురామ్‌ దర్శకత్వంలో రూపొందుతున్న సర్కారు వారి పాట సినిమా షూటింగ్‌ ఇటీవలే ప్రారంభం అయ్యింది. మొదటి షెడ్యూల్‌ ను దుబాయిలో నిర్వహించిన చిత్ర యూనిట్‌ సభ్యులు ఇటీవల హైదరాబాద్ లో తదుపరి షెడ్యూల్‌ ను కూడా పూర్తి చేయడం జరిగింది. ఇటీవల జరిగిన షెడ్యూల్‌ లో మహేష్‌ బాబుతో పాటు కీర్తి సురేష్‌ కూడా పాల్గొందట. కీర్తి సురేష్‌ మరియు మహేష్‌ బాబు ల మద్య జరిగే సంఘటనలు మరియు కొన్ని ఇంట్రెస్టింగ్‌ రొమాంటిక్ సీన్స్ ను చిత్రీకరించిన దర్శకుడు పరశురామ్‌ త్వరలో తదుపరి షెడ్యూల్‌ లో యాక్షన్‌ సన్నివేశాలను ప్లాన్‌ చేసినట్లుగా సమాచారం అందుతోంది.
ఇటీవల చిత్రీకరణ జరిపిన మహేష్‌ బాబు మరియు కీర్తి సురేష్‌ ల లవ్‌ ట్రాక్ సీన్స్ మరియు మొదట్లో టీజ్ చేసే సన్నివేశాలు సినిమాకు ప్రధాన ఆకర్షణగా ఉంటాయని అంటున్నారు. సినిమాలో ఒక ఆసక్తికర మెసేజ్ ను ప్రేక్షకులకు ఇవ్వడం కోసం దర్శకుడు పరశురామ్‌ బ్యాంకింగ్‌ వ్యవస్థలో జరుగుతున్న అవినీతి టాపిక్‌ ను ఎంపిక చేసుకున్నాడు. ఆ మెసేజ్ తో పాటు మహేష్‌ బాబు కీర్తి సురేష్‌ ల మద్య జరిగే సన్నివేశాలు కూడా సినిమాకు హైలైట్‌ గా ఉంటాయని ఇండస్ట్రీ వర్గాల వారు అంటున్నారు. కీర్తి సురేష్‌ ప్రస్తుతం సౌత్‌ లో టాప్‌ హీరోయిన్ గా కొనసాగుతుంది.
ఈమె ఉండటం వల్ల సర్కారు వారి పాట సినిమాను తమిళం మరియు మలయాళం ఆడియన్స్ కూడా చూసేందుకు ఆసక్తి చూపించే అవకాశం ఉందని అంటున్నారు. ఈ సినిమాను వచ్చే ఏడాది సంక్రాంతికి ప్రేక్షకుల ముందుకు తీసుకు వచ్చేలా ప్లాన్‌ చేస్తున్నారు. వచ్చే ఏడాది సంక్రాంతికి పవన్‌ క్రిష్‌ ల మూవీ కూడా ప్రేక్షకుల ముందుకు వచ్చేలా ప్లాన్‌ చేసిన విషయం తెల్సిందే.