టాలీవుడ్ సినిమాల్లో అందమైన హీరో ఎవరు అంటే టక్కున గుర్తుకు వచ్చే పేరు మహేష్ బాబు. సినిమాపై అవగాహన ఉన్న ప్రతి ఒక్కడు కచ్చితంగా మహేష్ పేరునే చెబుతాడు. ప్రేక్షకులు మాత్రమే కాదు దక్షిణాది హీరోలు, ఉత్తరాది హీరోలు కూడా అందగాడు ఎవరు అంటే మహేష్ బాబు పేరును చెబుతుంటారు. ఇక హీరోయిన్స్ అయితే మాత్రం కచ్చితంగా ఒక్కసారైనా ఆయన తో నటించాలి అనుకుంటారు.
ఆయన అందగాడు మాత్రమే కాదు, మంచి నటుడు కూడా, మంచి హ్యూమన్ బియింగ్ కలిగిన వ్యక్తి కూడా ఈ విషయంను ఎంతో మంది స్టార్స్ చెప్పారు. తాజాగా ఆయన భార్య నమ్రత తో కలిసి మంచు విష్ణు భార్య విరోనికా బర్త్ డే పార్టీలో పాల్గొన్నాడు. ఈ సందర్భంగా విష్ణు తన సోషల్ మీడియా ఖాతాలో మహేష్, నమ్రత, విరోనికా తో కలిసి దిగిన గ్రూప్ ఫోటో ను పోస్ట్ చేశాడు. ఈ సందర్భంగా ఆయన ఈ ఫోటోలో ఉన్న వ్యక్తి వయసు పెరుగుతున్న కొద్ది అందం రెట్టింపు అవ్వుతుందని అన్నాడు.
ఆయన మంచి తనమే అందుకు కారణం అనుకుంటున్న అని అన్నాడు. ఈ ట్వీట్ పై మహేష్ స్పందించాడు. ఇంతమంచి పార్టీ ఇచ్చినందుకు థాంక్స్ చెప్పాడు. ఈ పార్టీ వేడుకలో మహేష్ తో పాటుగా గోపిచంద్ కూడా పాల్గొన్నాడు. మంచు విష్ణు సినిమా విషయానికి వస్తే మోసగాళ్ళు చిత్రంలో నటిస్తున్నాడు. ఈ చిత్రానికి జెఫ్రీ గీ చిన్ దర్శకత్వం వహిస్తున్నాడు. ఈ చిత్రంలో కాజల్ అగర్వాల్ కథానాయకగా నటిస్తుంది. 24 ఫ్రేమ్స్ ఫ్యాక్టరీ పై ఈ చిత్రాన్ని నిర్మిస్తున్నారు. మహేష్ ప్రస్తుతం సర్కారు వారిపాట చిత్రంలో నటిస్తున్నాడు. గీత గోవిందం ఫేమ్ పరుశురాం దర్శకత్వం వహిస్తున్నాడు. గోపిచంద్ సిటీమార్ చిత్రంలో నటిస్తున్నాడు. తమన్నా హీరోయిన్ గా నటిస్తుంది.