విజయ్ దేవరకొండ, ప్రస్తుతం పూరీజగన్నాథ్ దర్శకత్వంలో “లైగర్” అనే చిత్రంలో నటిస్తున్నాడు. అనన్య పాండే హీరోయిన్ గా నటిస్తుంది. ఈ చిత్రాని ఛార్మి కౌర్, కరణ్ జోహర్ లు కలిసి పూరీ కనెక్ట్స్, ధర్మ ప్రొడక్షన్ బ్యానర్ పై నిర్మిస్తున్నారు. ఈ చిత్రంతో విజయ్ దేవరకొండ బాలీవుడ్ లోకి అడుగు పెడుతున్నాడు.
లైగర్ షూటింగ్ ఎక్కువ భాగం ముంబయి లో జరుపుకుంది. యాక్షన్ అండ్ స్పోర్ట్ డ్రామా కథాంశం గా ఈ చిత్రం రాబోతుంది. పూరీ విజయ్ దేవరకొండ ఫస్ట్ లుక్ ను విడుదల చేసి సినిమాపై అంచనాలను పెంచాడు. తాజా సమాచారం మేరకు ఈ చిత్రం యొక్క విడుదల తేదీని రేపు ప్రకటించబోతున్నట్లుగా తెలుస్తుంది. విజయ్ కూడా తన సోషల్ మీడియా ఖాతా ట్విట్టర్ ద్వారా రేపు ఉదయం 8.14 నిమిషాలకు అంటూ కరణ్ జోహర్ ట్విట్టర్ లింక్ ను షేర్ చేశాడు.
ఈ క్రమంలో బాలీవుడ్ నిర్మాత కరణ్ తన ట్విట్టర్ లో ఈ చిత్రం యొక్క మరో నిర్మాత ఛార్మి, అనన్య పాండే ల వీడియో ను షేర్ చేశాడు. ఆ వీడియో క్లిప్ లో వారు మాట్లాడుతూ.. ఛార్మి అందరికి నమస్కారం అనన్య లైగర్ అయిదు లాంగ్వేజ్ లో విడుదల అవ్వుతుంది. ఏంటి మీ ఫీలింగ్ అని అడగగా… అందుకు అనన్య రీప్లే ఇస్తూ.. ఎంతో సంతోషం గా ఉంది. తెలుగులో నా మొదటి సినిమా తెలుగు,తమిళ,కన్నడ, మలయాళం, తమిళం, హింది బాషలో విడుదల కావడం ఎంతో ఎక్సైట్ మెంట్ గా ఉంది అన్నది. అలాగే రేపు ఉదయం ఈ చిత్రం యొక్క విడుదల తేదీని అనౌన్స్ చేయబోతున్నారు అంటూ ప్రకటించింది.
ఈ చిత్రం యొక్క సెకండ్ షెడ్యూల్ కోసం ముంబయి బయలుదేరి వెళ్ళింది. ఈ షెడ్యూల్ తో మూవీ షూటింగ్ పూర్తి అవుతుంది. ప్రస్తుతం పూరీ లైగర్ టీమ్ ఆ పనిలో బిజీగా ఉన్నారు.