బుచ్చి బాబు సన దర్శకత్వంలో పంజా వైష్ణవ్ తేజ్ హీరోగా నటించిన చిత్రం ఉప్పెన. భారీ అంచనాల నడుమ విడుదలైన ఈ సినిమా మొదటి రోజు ఆట నుండి మంచి టాక్ ను దక్కించుకుంది. మొదటి నుండి కూడా ఈ సినిమాకు ప్రమోషన్స్ బాగా చేశారు. అందుకే సినిమాపై ప్రేక్షకుల మనసులో ఓ రేంజ్ లో అంచనాలు నెలకొన్నాయి. కృతి శెట్టి హీరోయిన్ గా ఉప్పెన చిత్రం తో పరిచయం అయింది.
అందంతో కూడిన అభినయం ఆమె సొంతం అవడంతో తెలుగు ప్రేక్షకులు కృతి శెట్టి ని బాగా అదరిస్తున్నారు. ఆమె కోసం ప్రస్తుతం యువ హీరోలు సైతం తమ సినిమాలో నటింప జేసేందుకు వెంట పడుతున్నారు.ఓ డెబ్యూ హీరోగా వైష్ణవ్ తేజ్ ఉప్పెన సినిమా కలెక్షన్స్ తో సరికొత్త రికార్డ్ ను సృష్టించాడు. ఈ చిత్రం యొక్క సక్సెస్ మీట్ ను చిత్రం బృందం నిర్వహించింది. ఈ కార్యక్రమానికి ముఖ్య అతిది గా రామ్ చరణ్ తేజ్ హాజరు అయ్యాడు.
ఈ సందర్భముగా కృతి మాట్లాడుతూ… రామ్ చరణ్ పై పొగడ్తల వర్షం కురిపించింది.. నాకు ఈ వేధికపై రామ్ చరణ్ తప్ప వేరే ఎవరు కనపడటం లేదు. నేను ఆయనకు పెద్ద అభిమానిని అంటూ తెగ పొగిడేస్తుంది. ఇక ఈ చిత్రంలో కృతి శెట్టి బేబమ్మ అనే పాత్రలో నటించింది. తమిళనటుడు విజయ్ సేతుపతి కీలక పాత్రలో నటించాడు. ఈ సినిమా విజయ్ పాత్రకు తెలుగు ప్రేక్షకులు బ్రహ్మరథం పడుతున్నారు. ఈ చిత్రాని మైత్రి మూవీ మేకర్స్ బ్యానర్ లో నిర్మించారు. దేవి శ్రీ ప్రసాద్ సంగీతం అందించాడు. ఈ సినిమాలోని పాటలు శ్రోతలను బాగా అలరిస్తున్నాయి. ఈ చిత్రం దేవి శ్రీ ప్రసాద్ మరల మునపటి ట్రాక్ లోకి వచ్చాడు.