ప్ర‌భాస్ .. ఓంరావ‌త్ డైరెక్ష‌న్ లో ఆదిపురుష్ చిత్రాన్ని చేస్తున్న సంగ‌తి తెలిసిందే. ప్ర‌భాస్ రాముడిగా క‌నిపించ‌నుండ‌గా..సైఫ్ అలీఖాన్ లంకేశ్ పాత్ర‌లో క‌నువిందు చేయ‌నున్నారు. ఈ సినిమా భారతీయ పురాణం, ఇతిహాసమైన రామాయణం ఆధారంగా తెరకెక్కబోతుంది. అయితే ఈ మూవీ లో సీత పాత్ర లో ఏ హీరోయిన్ నటించబోతుందనేది మొదటి నుండి ఆసక్తిగా మారింది. ఇప్పటికే పలువురు హీరోయిన్ల పేరు చక్కర్లు కొట్టగా..ఎక్కువగా మాత్రం కృతి సనన్ పేరు ప్రచారం అవుతున్నప్పటికీ , చిత్ర యూనిట్ ఖండించకపోయేసరికి ఈమె ఫిక్స్ అని అంత ఫిక్స్ అవుతున్నారు. ఆదిపురుష్ సినిమా షూటింగ్ ప్రారంభం అయ్యే సమయంకు ఆమె పేరునే అధికారికంగా ప్రకటించే అవకాశం ఉందేమో అంటున్నారు. ఈ సినిమా షూటింగ్ ను వచ్చే నెలలో చేయబోతున్నట్లుగా తెలుస్తోంది.
ప్రస్తుతం డైరెక్టర్ వీఎఫ్ఎక్స్ వర్క్ ఫై ఫోకస్ పెట్టినట్లు తెలుస్తుంది. ఈ సినిమాలో వీఎఫ్ఎక్స్ వర్క్ ఎక్కువగా కాబట్టి.. ముందుగా వీఎఫ్ఎక్స్ వర్క్ ను మొదలు పెట్టనున్నారు. ప్రపంచ ప్రసిద్ది గాంచిన రెండు ప్రముఖ వీఎఫ్ఎక్స్ కంపెనీలు ఆదిపురుష్ కోసం ఇప్పటికే పనులు మొదలు పెట్టాయని తెలుస్తుంది. ఈ సినిమాకు ఖర్చు చేసే బడ్జెట్ లో ఎక్కువ శాతం వీఎఫ్ఎక్స్ కు ఉపయోగించనున్నారని సమాచారం.