గీత ఆర్ట్స్ 2 బ్యానర్ పై అల్లు అరవింద్ సమర్పణలో బన్నీ వాసు నిర్మిస్తున్న చిత్రం “చావు కబురు చల్లగా !” ఈ చిత్రంలో ఆర్‌ఎక్స్ 100 హీరో కార్తికేయ నటిస్తున్నాడు. హీరోయిన్ గా లావణ్య త్రిపాటి నటిస్తుంది. ఈ చిత్రంలో బాల రాజుగా కార్తికేయ నటిస్తుంటే, మల్లిక గా లావణ్య నటిస్తుంది. ఈ చిత్రం నుండి విడుదలైన టిజర్ కు మంచి రెస్పాన్స్ కూడా వచ్చింది. రొమాంటిక్ యాక్షన్ ఎంటర్టైనర్ గా ఈ చిత్రం రూపొందుతుంది.
నేడు ఈ చిత్రం యొక్క విడుదల తేదీని కార్తికేయ చిత్ర యూనిట్ ప్రకటించింది మార్చి 19న ఈ చిత్రం విడుదల అవ్వుతుందని ప్రకటించింది. ఈ చిత్రం కోసం చాలా ఎక్సైట్ గా ఎదురు చూస్తున్నాం అంటూ కార్తికేయ ట్వీట్ చేశాడు. పెగల్లపాటి కౌశిక్ ఈ చిత్రానికి దర్శకత్వం వహిస్తున్నాడు. జెక్స్ బే జోయ్ ఈ చిత్రానికి సంగీతం అందిస్తున్నాడు. హీరో కార్తికేయ సినిమాల విషయానికి వస్తే తమిళంలో అజిత్ హీరోగా వాలిమై అనే చిత్రంలో ప్రతి నాయకుడి పాత్రలో నటిస్తున్నాడు.
ఈ చిత్రానికి హెచ్ వినోత్ దర్శకత్వం వహిస్తున్నాడు. గతంలో నాని, విక్రమ్ కే కుమార్ కాంబినేషన్ లో వచ్చిన గ్యాంగ్ లీడర్ చిత్రంలో విలన్ పాత్రలో కార్తికేయ నటించి మెప్పించాడు. ఇప్పుడు అదే ఇన్స్ప్రెషన్ తో తమిళ్ లో అజిత్ ను ఢీ కొట్టబోతున్నాడు. తెలుగులో కే‌జి7 అనే చిత్రంలో నటించనున్నాడు. పూర్తి వివరాలు త్వరలో తెలియనున్నాయి. లావణ్య త్రిపాటి సినిమా విషయాని వస్తే సందీప్ కిషన్ హీరోగా ఏ1 ఎక్స్ ప్రెస్ అనే చిత్రంలో హీరోయిన్ గా నటిస్తుంది.